অসম লাইভ ২৪ঃ সাম্প্ৰতিক সময়ৰ এটি চিন্তিত তথা সৰ্বাধিক আলোচিত বিষয় হৈছে স্তন কেন্সাৰ৷ বৰ্তমান সময়ৰ এটি চৰ্চিত বিষয়লৈ পৰিণত হৈছে এই ৰোগ৷ কিন্তু শেহতীয়া এক গৱেষণাই পোহৰলৈ আনিছে সূৰ্যৰ পোহৰে কিদৰে প্ৰতিৰোধ কৰিব পাৰে স্তন কেন্সাৰ৷ সূৰ্যৰ পোহৰে হ্ৰাস কৰে স্তনৰ কৰ্কট ৰোগৰ আশংকা৷ আমেৰিকা যুক্তৰাষ্ট্ৰৰ University of Buffalo আৰু University of Puerto Rico ৰ এক শেহতীয়া গৱেষণাত প্ৰকাশ পাইছে এই তথ্য৷ ক্ৰোমামিটাৰৰ জৰিয়তে সূৰ্যৰ পোহৰ আৰু ৰ’দৰ স্থিতিত ছালৰ পিগমেনটেচনৰ তুলনামূলক অধ্যয়ন কৰিছিল গৱেষকসকলে৷
ক্ৰোমামিটাৰ হৈছে ৰং নিয়ন্ত্ৰণ কৰা এক কাৰক যাৰ জৰিয়তে সূৰ্যৰ পোহৰৰ সংস্পৰ্শত ছালৰ পিগমেনটেচনৰ পাৰ্থক্যৰ এক সাধাৰণ অনুমান কৰা হয়৷ গৱেষণাৰ তথ্য অনুসৰি সূৰ্যৰ পোহৰৰ সংস্পৰ্শৰ প্ৰভাৱত স্তনৰ কৰ্কট ৰোগৰ আশংকা বহু পৰিমানে হ্ৰাস কৰে৷ অৱশ্যে তাত অনিশ্চয়তাও নথকা নহয়, কিন্তু এনে বহু কাৰণ আছে যিয়ে এই সিদ্ধান্তক সমৰ্থন কৰে৷ অধ্যাপক জ’ এল ফ্ৰয়ডেনহেইমৰ মতে, যিহেতু সূৰ্যৰ পোহৰ শৰীৰত ভিটামিন ডিৰ আভ্যন্তৰীণ উৎপাদনৰ সৈতে সম্পৰ্কিত, সূৰ্যৰ পোহৰ বিভিন্ন ধৰণে শৰীৰৰ বাবে সহায়ক৷ প্ৰদাহ, মেদবহুলতা আৰু চাৰ্কাডিয়ান প্ৰণালীৰ ওপৰত ধনাত্মক প্ৰভাৱ পেলায় সূৰ্যৰ পোহৰে৷ ইফালে কৰ্কট ৰোগ প্ৰতিৰোধ কৰিব পৰাকৈ সূৰ্যৰ পোহৰৰ ব্যৱহাৰৰ কথাও প্ৰকাশ পাইছে এই অধ্যয়নত৷
University of Puerto Ricoৰ অধ্যয়নৰ তথ্য অনুসৰি ৰ’দত থকা মহিলাৰ স্তন কেন্সাৰ হোৱাৰ আশংকা কম থাকে৷ একেদৰে গাঢ় ছালৰ ৰঙৰ অংশগ্ৰহণকাৰীসকলৰ এষ্ট্ৰ’জেন ৰিচেপ্টৰৰ বিপদাশংকা কম থকাৰ কথা প্ৰকাশ পাইছে গৱেষণাত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
