অসম লাইভ ২৪ঃ প্ৰতিকূল বতৰৰ বাবেই দুৰ্ঘটনাত পতিত হৈছিল CDS বিপিন ৰাৱাটৰ হেলিকপ্টাৰ৷ Court of inquiry প্ৰতিবেদনত সদৰী কৰা হৈছে এই তথ্য৷ দুৰ্ঘটনাৰ তদন্ত আৰম্ভ কৰাৰ পাছতেই প্ৰত্যক্ষদৰ্শীৰ ভাষ্য, ফ্লাইড ডাটা ৰেক’ৰ্ড আৰু ককপিট বায়াছ ৰেক’ৰ্ডৰ বিশ্লেষণৰ ভিত্তিত সদৰী কৰিছে এই তথ্য৷ দুৰ্ঘটনা সন্দৰ্ভত Court of inquiry য়ে বিভিন্ন কাৰণ যেনেঃ যান্ত্ৰিক বিফলতা, গাফিলতি অথবা অসাৱধানতাৰ বিষয়ে উল্লেখ কৰিছিল যদিও তদন্তৰ প্ৰাৰম্ভিক পৰ্যায়ত প্ৰতিকূল বতৰ অৰ্থাৎ বতৰৰ অপ্ৰত্যাশিত পৰিবৰ্তনৰ বাবেই এই দুৰ্ঘটনা সংঘটিত হোৱা বুলি উল্লেখ Court of inquiry ৰ প্ৰতিবেদনত৷ উল্লেখ্য, বিগত ৮ ডিচেম্বৰত সংঘটিত হৈছিল এই শোকাৱহ দুৰ্ঘটনাটো৷ CDS বিপিন ৰাৱাটৰ লগতে অন্য ১৩ গৰাকী লোকৰ মৃত্যু হৈছিল তামিলনাডুত সংঘটিত বায়ুসেনাৰ এই বিমান দুৰ্ঘটনাত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
