এক শোকাৱহ ঘটনাই জোকাৰি গৈছে কামপুৰ অঞ্চল৷ কৰ্বত্যৰত অৱস্থাতে এগৰাকী কণিষ্ঠবলসহ এজন আৰক্ষী বিষয়া বানৰ কোবাল সোঁতত উটি গৈ মৃত্যু হৈছে৷
এই শোকাৱহ তথা কৰুণ দুৰ্ঘটনাটো নগাঁও জিলাৰ কামপুৰত সংঘটিত হৈছে৷ ঘটনাৰ বিৱৰণীৰ মতে যোৱা দেওবাৰে নিশা কামপুৰ আৰক্ষী থানাৰ ভাৰপ্ৰাপ্ত আৰক্ষী বিষয়া সমুজ্জ্বল কাকতি আৰু কণিষ্ঠবল ৰাজীৱ বৰদলৈক কপিলীৰ প্ৰলয়ংকৰী বানে উটুৱাই নিয়ে৷
লগতে পঢ়ক মূৰৰ ওপৰেৰে বিপদৰ ধুমুহা পাৰ হ’ল কিন্তু সলনি নহ’ল কংগনা!
আৰক্ষী বিষয়াজনৰ নেতৃত্ব আৰক্ষীৰ এটা দলে দেওবাৰে নিশা কামপুৰ চহৰৰ মধুপুৰৰ পাচনিঝাৰৰ অগ্নিনিৰ্বাপক বাহিনীৰ কাৰ্যালয়ৰ সমীপত এগৰাকী অপৰাধীক বিচাৰি অভিযান চলাবলৈ যোৱাৰ সময়তে হঠাতে আৰক্ষী কণিষ্ঠবলগৰাকীক সংহাৰী বানৰ কোবাল সোঁতে উটুৱাই নিয়ে৷ বানে উটুৱাই আৰক্ষী কণিষ্ঠবলগৰাকীক পানীত জঁপিয়াই উদ্ধাৰ কৰিবলৈ চেষ্টা কৰা আৰক্ষী সমুজ্জ্বল কাকতিকো বানৰ কোবাল সোঁতে উটুৱাই নিয়ে৷
ঘটনাৰ পিছতে SDRF বাহিনীয়ে উদ্ধাৰ অভিযান চলাই আৰক্ষী বিষয়া সমুজ্জ্বল কাকতি আৰু কণিষ্ঠবল ৰাজীৱ বৰদলৈৰ মৃতদেহ উদ্ধাৰ কৰে৷ বানত সলিল সমাধি ঘটা আৰক্ষী বিষয়া সমুজ্জ্ব কাকতি ঘৰ চাংসাৰি আৰু কণিষ্ঠবল ৰাজীৱ বৰদলৈ কামপুৰত শোকাকুল পৰিৱেশে বিৰাজ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
