অসম লাইভ২৪ঃ হিন্দু ধৰ্মত শাওন মাহৰ বিশেষ মাহাত্ম্য আছে। সেই কাৰণেই শাওন মাহত মহাদেৱৰ বিশেষ আৰাধনা কৰে ভক্তসকলে। শাওন মাহত মহাদেৱক ভক্তি আৰু নিষ্ঠা সহকাৰে পুজা কৰিলে মনৰ সকলো ইচ্ছা পূৰ্ণ হয়। শাস্ত্ৰ অনুসৰি দেবাদিদেৱৰ প্ৰিয় সামগ্ৰী এই মাহতেই তেওঁক আগবঢ়াব লাগে। দেৱাদিদেৱৰ প্ৰিয় সামগ্ৰী এবিধ হৈছে বেলপাত। শাওণ মাহত সেয়ে শিৱক বেলপাত অৰ্পণ কৰিব লাগে। কোৱা হয় যে, বেলপাত শিৱ পাৰ্বতীসহ বহু দেৱতাৰেই বাসস্থান। শাওন মাহত বেলপাতৰ সেয়ে বিশেষ মাহাত্ম্য আছে।
মহাদেৱক বেলপাত নিবেদন কৰাৰ নিয়ম
১) শাস্ত্ৰ অনুসৰি মহাদেৱক ৩ৰ পৰা ১১খনকৈ বেলপাত নিবেদন কৰাটো শুভ।
২) বেলপাত নিবেদন কৰাৰ সময়ত মনত ৰাখিব লাগে যে পাতৰ কোমল অংশটোহে শিৱলিংগৰ গাত দিব লাগে।
৩) জ্যোতিষ শাস্ত্ৰ অনুসৰি সোমবাৰ হ’ল শিৱৰ দিন। কিন্তু মহাদেৱক নিবেদন কৰাৰ বাবে সোমবাৰে কেতিয়াও গছৰ পৰা বেলপাত ছিঙিব নালাগে। সোমবাৰে নিবেদন কৰিবলৈ হ’লে আগদিনাই বেলপাত ছিঙি থব লাগে।
৪) শিৱ পুৰাণ অনুসৰি এখন বেলপাতেই মহাদেৱক একাধিকবাৰ নিবেদন কৰিব পাৰে। যদি সদায়ে বেলপাত নাপায় তেন্তে আগতে নিবেদন কৰা বেলপাত পানীৰে ধুই আকৌ নিবেদন কৰিব পাৰে।
৫) শাস্ত্ৰ অনুসৰি শিৱলিংগত দিয়াৰ সময়ত বেলপাত কেতিয়াও ফলা বেলপাত নিদিব। ফলা বেলপাত দিলে আপুনি একো ফল লাভ নকৰিব।
৬) সোমবাৰৰ ওপৰিও চতুৰ্থ, অষ্টম, নৱম, অমাবস্যা আৰু সংক্ৰান্তিত বেলপাত কেতিয়াও নিচিঙিব।
৭) বেলপাত ছিঙি আনি কেতিয়াও টুকুৰা টুকুৰকৈ কাটি নষ্ট নকৰিব। বেলগছ কাটি পেলোৱাও অত্যন্ত অশুভ বুলি কোৱা হয়। বেলগছ কাটিলে মহাদেৱৰ ৰোষত পৰি ব্যক্তিজনৰ জীৱনলৈ নানান সমস্যা আৰু সংকট আহে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
