সংবাদসংস্থা ANIক দিয়া সাক্ষাৎকাৰত আদিলৰ পিতৃয়ে জনাইছে, ‘মোৰ সন্তানে পেহেলগামত খচ্চৰ চলোৱাৰ কাম কৰিছিল৷ বিয়লি ৩ বজাত তাৰ মৃত্যুৰ খবৰ লাভ কৰো৷ আমি আদিলক ফোন কৰিছিলো, কিন্তু ফোন অফ পালো৷ বিয়লি ৪.৪০ মিনিটত আদিলৰ ফোন খুল খায়৷ কিন্তু ফোন ৰিছিভ কৰা নাছিল৷ আমি থানালৈ গ’লো৷ থানাত গম পালো সি ঘটনাত আহত হৈছে৷ তাৰকিছু সময়ৰ পাছতেই নিহতৰ খবৰ পাওঁ৷ এই ঘটনাৰ আঁৰত যিয়েই নাথাকক কিয় তেওঁলোকে যেন শাস্তি পায়৷’
কান্দোনত ভাঙি পৰিছে আদিলৰ মাতৃও৷ তেওঁ কয়, ‘আমাৰ সংসাৰত একমাত্ৰ উপাৰ্জনকাৰী সিয়েই আছিল৷’ প্ৰত্যক্ষদৰ্শীয়ে জনাইছে যে সন্ত্ৰাসবাদী আক্ৰমণত স্থানীয় বাসিন্দাসকলেই আহত, ৰক্তাক্ত পৰ্যটকক দুৰ্গম পথেৰে লৈ আনিছিল স্থানীয় লোকে৷ আৰক্ষী আৰু নিৰাপত্তাৰক্ষীবাহিনীৰ দল কিছুসময়ৰ পাছতহে উপস্থিত হৈছিল সেই স্থানত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
