কিছুদিনৰ পূৰ্বে গাদী হেৰুওৱাই মাজে মাজে উদ্ভট মন্তব্য কৰি অহা দেখা গৈছে পাকিস্তানৰ প্ৰাক্তন প্ৰধানমন্ত্ৰী ইমৰাণ খানক৷
আনহাতে, পাকিস্তানৰ প্ৰাক্তন প্ৰধানমন্ত্ৰী ইমৰাণ খানৰ ভৱিষ্যৎ জীৱন সম্পৰ্কেও পাকিস্তানত ব্যাপক চৰ্চা লাভ কৰা দেখা গৈছে৷
ইয়াৰ মাজতে নাও বুৰিলেও টিঙৰ পৰা ননমা প্ৰাক্তন প্ৰধানমন্ত্ৰীগৰাকীৰ এটা বিশেষ ভিডিঅ’ ক্লীপ ভাইৰেল হৈছে৷
লগতে পঢ়ক উৰন্ত বিমানৰ জৰুৰীকালীন দুৱাৰ খুলি পাংখাত উঠিল যাত্ৰী, তাৰ পিছত কি ঘটিল?
ভিডিঅ’টোত পাকিস্তানৰ ক্ৰিকেটাৰ জুনেইদ আক্ৰামৰ সৈতে এক কথোপথন দেখা গৈছে৷ ভিডিঅ’টোৰ উক্ত অংশত প্ৰাক্তন প্ৰধানমন্ত্ৰী ইমৰাণ খানে এক উত্তৰত কয়, ‘‘ব্ৰিটেইনে মোক আন্তৰিকতাৰে নিমন্ত্ৰণ কৰিছিল৷ কিন্তু কেতিয়াও মই নিজৰ দেশ এৰি যোৱাৰ কথা ভাবিব নোৱাৰো৷’’
অক্সফোৰ্ড বিশ্ববিদ্যালয়ৰ প্ৰাক্তন শিক্ষাৰ্থী ইমৰাণ খানে লগতে আৰু কয়, ‘‘মই প্ৰথমে পাকিস্তানী৷ আচলতে এটা গাধৰ শৰীৰত কে’বাটাও চিহ্ণ থাকিলেও ই কেতিয়াও জেব্ৰা হ’ব নোৱাৰে৷ গাধ সদায় গাধই৷’’
উল্লেখ্য যে যোৱা ১০ এপ্ৰিলত পাকিস্তানৰ নেচনেল এছেম্বিলৰ অনাস্থা প্ৰস্তাৱত পৰাস্ত হৈ ইমৰাণ খানে পাকিস্তানৰ প্ৰধানমন্ত্ৰীৰ পদ হেৰুওৱাইছিল৷ ইয়াৰ পিছতে প্ৰাক্তন প্ৰধানমন্ত্ৰী নৱাজ শ্বৰীফৰ ভাতৃ তথা পঞ্জাৱ প্ৰদেশৰ প্ৰাক্তন মুখ্যমন্ত্ৰী শ্বেহবাজ শ্বৰীফে পাকিস্তানৰ প্ৰধানমন্ত্ৰী হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ