চেইন নদীৰ মুকলি অনুষ্ঠান, সিন্ধু-শৰথে চম্ভালিলে দেশৰ পতাকা, কেইখনমান বিশেষ ফটো
ভাৰতীয় সময় অনুসৰি কালি গভীৰ নিশা চেইন নদীৰ পাৰত অনুষ্ঠিত হয় পেৰিছ অলিম্পিকৰ মুকলি অনুষ্ঠান। এই কাৰ্যসূচীত ভাৰতীয় পতাকাবাহী পি ভি সিন্ধু আৰু অচন্ত শৰথ কমলৰ নেতৃত্বত ভাৰতীয় দলটোৱে দেশসমূহৰ নাও পেৰেডত অংশগ্ৰহণ কৰে।
১৯০০ আৰু ১৯২৪ চনৰ পিছত বহু বছৰৰ অন্তত তৃতীয়বাৰৰ বাবে পেৰিছত অনুষ্ঠিত হৈছে অলিম্পিক। ৬ কিলোমিটাৰ দৈৰ্ঘ্যৰ এই পেৰেডত ২০৫খন দেশৰ ৬৮০০ৰো অধিক খেলুৱৈ আৰু শৰণাৰ্থী অলিম্পিক দল ৮৫খন নাৱেৰে কঢ়িয়াই অনা অষ্টাৰলিজ দলঙৰ পৰা আৰম্ভ হয়। কালি অনুষ্ঠিত হৈ থকা প্রতিযোগিতাৰ বাবে মুকলি অনুষ্ঠানত বৃহৎ সংখ্যক খেলুৱৈয়ে অংশগ্রহণ কৰা নাছিল৷
ভাৰতীয় দলটোৰ নেতৃত্বত আছিল দুজন পতাকাবাহী, দুবাৰৰ অলিম্পিক পদক বিজয়ী পিভি সিন্ধু আৰু টেবুল টেনিছৰ কিংবদন্তি অচন্ত শৰথ কমল। উদ্যোক্তাসকলে নিৰাপত্তা আৰু লজিষ্টিকছৰ প্ৰত্যাহ্বান অতিক্ৰম কৰি উদ্বোধনী অনুষ্ঠানৰ অংশ হিচাপে সমগ্ৰ চহৰখনক জড়িত কৰি এক অভূতপূৰ্ব দৃশ্য দাঙি ধৰে। এই খেলসমূহত ভাৰতৰ ১১৭ গৰাকী খেলুৱৈয়ে অংশগ্ৰহণ কৰিছে, ইয়াৰে ৪৭ গৰাকী মহিলা।
ভাৰতীয় দলৰ পতাকাবাহক শৰৎ কমল আৰু পি ভি সিন্ধুৱে মুকলি সভাত চেইন নদীত উপস্থিত থকা দৰ্শক আৰু অন্যান্য বিশিষ্ট ব্যক্তিৰ পৰা শুভেচ্ছা গ্ৰহণ কৰি থকা অৱস্থাত। সিন্ধু আৰু শৰতৰ নেতৃত্বত ভাৰতীয় দলটোৱে ত্ৰিৰঙেৰে সকলোকে সম্ভাষণ জনায়।
মুকলি অনুষ্ঠানৰ পূৰ্বে পৰম্পৰাগত শৈলীত ভাৰতীয় খেলুৱৈ। টকিঅ’ অলিম্পিকৰ ব্ৰঞ্জৰ পদক বিজয়ী বক্সাৰ লভলিনা বৰগোহাঁয়েও এই প্ৰতিযোগিতাত অংশগ্ৰহণ কৰে। লভলিনাই এইবাৰো পদক লৈ অহাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
