বিশেষ হ’ব এইবাৰৰ অলিম্পিক, ৪ টা নতুন খেলে পাব স্থান, পদকত থাকিব এবিধ বিশেষ লোহা
১৮৯৬ চনৰ পৰা আৰম্ভ হৈছিল ক্ৰীড়াৰ ভিতৰতে সবাতোকৈ ডাঙৰ মহাৰণৰ। এইবাৰ ২৬ জুলাই শুকুৰবাৰৰ পৰা অনুষ্ঠিত হ’ব ৩৩ সংখ্যক গ্ৰীষ্মকালীন অলিম্পিক। এইবাৰৰ অলিম্পিকত বহু নতুন কথা দেখিবলৈ পোৱা যাব। এইবাৰৰ অলিম্পিকক বিশেষ কৰি তোলাৰ বাবে ১০ বছৰ পূৰ্বে পেৰিছে প্ৰস্তুতি আৰম্ভ কৰিছিল। ২৬ জুলাই শুকুৰবাৰৰ পৰা আৰম্ভ হ’ব পেৰিছ অলিম্পিক। ইয়াৰ অন্ত পৰিব ১১ আগষ্টত।
২০২৪ চনৰ পেৰিছ অলিম্পিক বিশেষ হোৱাই নহয়, ইয়াৰ মুকলি অনুষ্ঠানো অতি বিশেষ হ’ব। নদীৰ ওপৰত অনুষ্ঠিত হ’ব ২০২৪ চনৰ পেৰিছ অলিম্পিকৰ মুকলি সভা। এই মুকলি অনুষ্ঠান চেৰী নদীত অনুষ্ঠিত হ’ব, হাজাৰ হাজাৰ খেলুৱৈয়ে নাৱেৰে নদীখন পাৰ হৈ আইফেল টাৱাৰৰ ফালে যাব।
পূৰ্বে মুকলি সভা এখন বিশাল খেলপথাৰত অনুষ্ঠিত হৈছিল যদিও প্ৰথমবাৰৰ বাবে নদীৰ ওপৰত মুকলি অনুষ্ঠান অনুষ্ঠিত হ’ব। ২০২৪ চনৰ পেৰিছ অলিম্পিকৰ প্ৰতীকটোও একেবাৰে ভিন্ন। তাৰোপৰি এইবাৰৰ পদকো হব বিশেষ।
এইবাৰৰ পদকৰ ডিজাইনেই কেৱল কল্পনাতীত নহয়, প্ৰতিটো পদকত আইফেল টাৱাৰ লোহা ব্যৱহাৰ কৰা হৈছে। এই পদকৰ ডিজাইনত ফ্ৰান্সৰ মনোভাৱ প্ৰতিফলিত হ’ব। স্বৰ্ণ পদকৰ ওজন ৫২৯ গ্ৰাম, ৰূপৰ পদকৰ ওজন ৫২৫ গ্ৰাম আৰু ব্ৰঞ্জৰ পদকৰ ওজন হ’ব ৪৫৫ গ্ৰাম।
পেৰিছ অলিম্পিক সবাতোকৈ বিশেষ এইকাৰণেই যে, এইবাৰ চাৰিবিধ নতুন খেল তথা ক্ৰীড়া সংযোজন কৰা হৈছে। এইবাৰ ব্ৰেকডান্সিঙে অলিম্পিকত অভিষেক ঘটাব। এইবাৰ স্কেটবৰ্ডিং, চাৰ্ফিং আৰু স্প’ৰ্টছ ক্লাইম্বিংকো অলিম্পিকত অন্তৰ্ভুক্ত কৰা হৈছে। অৱশ্যে এইবাৰ কিছুমান খেল অলিম্পিকৰ অংশ নহ’বও পাৰে।
কাৰাটে, বেছবল আৰু চফটবলৰ দৰে খেলসমূহ টকিঅ’ অলিম্পিকৰ অংশ আছিল যদিও এইবাৰ সেইবোৰ আঁতৰাই পেলোৱা হৈছে। উল্লেখ্য যে, পেৰিছ অলিম্পিকত অন্তৰ্ভুক্ত চাৰিটা নতুন খেলত কোনো ভাৰতীয় খেলুৱৈয়ে যোগ্যতা অৰ্জন কৰিব পৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ