পুনৰ মনু ভাকেৰ, তৃতীয়টো পদকৰ দিশে অগ্ৰসৰ, একেটা ইভেণ্টতে আছে ইশা সিঙো
মনু ভাকেৰ…মনু ভাকেৰ…পুনৰ পদকৰ দিশে মনু ভাকেৰ। পেৰিচ অলিম্পিকত দুটাকৈ পদক লাভৰ পাছত এইবাৰ তৃতীয়টো পদক লাভৰ দিশে আগবাঢ়িছে ভাৰতীয় কন্যাগৰাকী। মনুৰ পৰা তৃতীয়টো পদক আশা কৰিছে দেশবাসীয়ে।
২৫ মিটাৰ পিষ্টলত কোৱালিফায়িং ৰাউণ্ডত তৃতীয় স্থান দখল কৰি ৰেপিড ৰাউণ্ডলৈ মনু ভাকেৰ। এই ৰেপিড ৰাউণ্ডৰ পাছতে শ্ৰেষ্ট ৮ খেলুৱৈ যাব ফাইনেল ৰাউণ্ডলৈ।
বৰ্তমানে সুন্দৰ ফৰ্মত আছে মনু ভাক্ৰ। তৃতীয় স্থানেৰে অগ্ৰসৰ হোৱাৰ বাবে এতিয়া পুনৰ এটা পদকৰ আশা কৰিছে মনুৰ ফালৰ পৰা। এই একেটা ইভেণ্টতে মনুৰ লগতে আন এগৰাকী ভাৰতীয় খেলুৱৈয়ো ।
দশম স্থান দখলেৰে ৰেপিড ৰাউণ্ডলৈ অগ্ৰসৰ হৈছে ভাৰতৰ ইশা সিং। ইশা সিঙে যদি দশমৰ স্থানৰ পৰা অধিক পইণ্ট লাভ কৰি শ্ৰেষ্ঠ ৮ লৈ যাব পাৰে তেন্তে ফাইনেলত উপনীত হব পাৰিব।
খেল খনত মনু ভাকেৰে ৰেপি়ড ৰাফউণ্ডলৈ অগ্ৰসৰ হোৱাৰ বাবে ২৯৪ পইণ্ট লাভ কৰি তৃতীয় স্থানত আছে। আনহাতে ইশাই ২৯১ পইণ্ট লাভ কৰি ১০ নম্বৰ স্থানত আছে।
যদি মনু ভাকৰে এই ২৫ মিটাৰ ইভেণ্টতো পদক লাভ কৰে , তেন্তে ই সঁচাকৈ ইতিহাস হ’ব। কোনো এগৰাকী ভাৰতীয় খেলুৱৈয়ে তিনিটাকৈ অলিম্পিক পদক লাভ কৰা প্ৰথম খেলুৱৈ হোৱাৰ লগতে এখন অলিম্পিকতে এনেদৰে তিনিটা পদক লাভ কৰা প্ৰথম খেলুৱৈ হিচাপে পৰিগনিত হব। ইতিমধ্যে ইতিহাস ৰচিছে ভাৰত কন্যা মনুৱে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
