সপোন চুৰমাৰ পি ভি সিন্ধুৰ, পেৰিছ অলিম্পিকত পৰাজয়ৰ পাছতে অৱসৰ সন্দৰ্ভত বিশেষ মন্তব্য
একেৰাহে তৃতীয়টো পদকৰ সপোন মুহুৰ্ততে চুৰমাৰ ভাৰতীয় শ্বাটলাৰ পি ভি সিন্ধুৰ। ভাৰতীয় তাৰকা শ্বাটলাৰ পি ভি সিন্ধু প্ৰি কোৱাৰ্টাৰ ফাইনেল অৰ্থাৎ বেডমিণ্টন মহিলা একক ৰাউণ্ডৰ ১৬ নম্বৰ ৰাউণ্ডৰ পৰা বাহিৰ হ’বলগীয়া হৈছে।
১৬ নম্বৰ ৰাউণ্ডত সিন্ধুৱে চীনৰ বিং জিয়াওৰ বিৰুদ্ধে পৰাজয়ৰ সন্মুখীন হ’বলগীয়া হয়। পৰাজয়ৰ পিছতে সিন্ধুৱে অৱসৰ সন্দৰ্ভত এটা ডাঙৰ আপডেট দিয়ে। ২০২৮ চনত অনুষ্ঠিত হ’বলগীয়া অলিম্পিক সন্দৰ্ভত অৱসৰৰ বিষয়ে কথা কয়।
উল্লেখ্য যে ১৬ ৰাউণ্ডত পিভি সিন্ধুৱে চীনৰ বিং জিয়াওৰ বিৰুদ্ধে ২১-১৯, ২১-১৪ গ’লত পৰাজয়ৰ সন্মুখীন হ’বলগীয়া হয়। এই পৰাজয়ৰ লগে লগে সিন্ধুৰ একেৰাহে তৃতীয় অলিম্পিকত পদক লাভৰ সপোন ভাঙি চুৰমাৰ হৈ পৰে। পৰাজয়ৰ লগে লগে সিন্ধুৰ পেৰিচ অভিযানৰো অন্ত পৰে।
পৰাজয়ৰ পিছত সিন্ধুক ২০২৮ চনৰ লছ এঞ্জেলছ অলিম্পিকৰ বিষয়ে সোধা হৈছিল। সেই প্ৰশ্ন সন্দৰ্ভত সিন্ধুৱে উত্তৰ দিয়ে যে, “পৰৱৰ্তী অলিম্পিকলৈ এতিয়াও চাৰিটা বছৰ বাকী আছে। মই ঘৰলৈ উভতি গৈ কিছু জিৰণি লম। বিৰতি লোৱাৰ পিছত মই চাম কি হয়। চাৰি বছৰ বহুত দীঘলীয়া সময়। এই মুহূৰ্তত পিছলৈ ঘূৰি যোৱাৰ সময় হৈছে। দুখৰ কথা, মই যি আশা কৰিছিলো সেয়া নহ’ল, কিন্তু ই এক যাত্ৰা।”
ইয়াৰ বাহিৰেও ভাৰতীয় তাৰকাগৰাকীয়ে খেলখনৰ বিষয়ে ভাৰতীয় শ্বাটলাৰগৰাকীয়ে কয়, “মই ভাবো যে মই মোৰ ভুলবোৰ নিয়ন্ত্ৰণ কৰিব লাগিছিল, বিশেষকৈ দ্বিতীয়খন মেচত। দুখৰ বিষয় যে মই ইয়াক জয়লৈ ৰূপান্তৰিত কৰিব নোৱাৰিলোঁ।
উল্লেখযোগ্য যে পি ভি সিন্ধুৱে পূৰ্বৰ দুয়োখন অলিম্পিকতে পদক লাভ কৰিছিল। ২০১৬ চনৰ ৰিঅ’ অলিম্পিকত ৰূপৰ পদক আৰু ২০২০ চনৰ টকিঅ’ অলিম্পিকত ব্ৰঞ্জৰ পদক লাভ কৰিছিল। এইবাৰ পেৰিছ অলিম্পিকত খেলুৱৈগৰাকীৰ ফালৰ পৰা স্বৰ্ণ পদক আশা কৰিছিল দেশবাসীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
