অৱশেষত নিয়তিৰ ওচৰ হাৰ মানিলে দেশৰ জনপ্ৰিয় কমেডিয়ান ৰাজু শ্ৰীবাস্তৱে৷ বুধবাৰে দিল্লীৰ অখিল ভাৰতীয় আয়ুবিজ্ঞান প্ৰতিষ্ঠান(এইমছ)ত শেষ নিশ্বাস ত্যাগ কৰিলে দেশৰ জনপ্ৰিয় কমেডিয়ানগৰাকীয়ে৷
কমেডিয়ান ৰাজু শ্ৰীবাস্তৱৰ পৰিয়ালে সংবাদ মাধ্যমৰ আগত তেওঁৰ মৃত্যু হোৱা বুলি নিশ্চিত কৰিছে৷ উল্লখ্য যে যোৱা ১০ আগষ্টত জিমত ৱৰ্কআউট কৰি থকা অৱস্থাতে তীব্ৰ বুকুৰ বিষত আক্ৰান্ত হোৱাৰ পাছতে ৰাজু শ্ৰীবাস্তৱক দিল্লীৰ এইমছত ভৰ্তি কৰোৱা হৈছিল৷
সংকটজনক অৱস্থাত এইমছত ভৰ্তি কৰোৱাৰ পাছৰে পৰা ৰাজু শ্ৰীবাস্তৱ সংকটজনক অৱস্থাতে চিকিৎসা চলি আছিল৷ কিন্তু চিকিৎসকৰ সকলো চেষ্টা ব্যৰ্থ কৰি মাত্ৰ ৫৮ বছৰৰ বয়সতে দেশৰ জনপ্ৰিয় কমেডিয়ানজনে জীৱনৰ পৰা মেলানি মাগিলে৷
মৃত্যুৰ সময়ত জনপ্ৰিয় কমেডিয়ানজনে দেশৰত লাখ লাখ অনুৰাগীৰ সৈতে পত্নী শিখাৰ লগতে দুই সন্তান ক্ৰমে অন্তৰা আৰু আয়ুষ্মানক ইহসংসাৰত এৰি থৈ যায়৷
লগতে পঢ়ক ছৌদিৰ ৰজাসকলৰ কিমান গৰাকীকৈ পত্নী আৰু সন্তান আছিল? জানিবলৈ চাওক
উল্লেখ্য যে দেশৰ অন্যতম জনপ্ৰিয় কমেডিয়ান হিচাপে প্ৰতিষ্ঠা লাভ কৰা ৰাজু শ্ৰীবাস্তৱৰ জীৱন সংগ্ৰাম সহজ নাছিল৷ ১৯৬৩ চনত কানপুৰত জন্মগ্ৰহণ কৰা ৰাজু শ্ৰীবাস্তৱে এগৰাকী অ’টো চালকৰ পৰা দেশৰ জনপ্ৰিয় কমেডিয়ানৰূপে প্ৰতিষ্ঠা লাভ কৰিবলৈ কঠোৰ সংগ্ৰাম কৰিবলগীয়া হৈছিল৷
চকুত অযুত সপোন লৈ ৮০ৰ দশকত ৰাজু শ্ৰীবাস্তৱে মুম্বাইলৈ গৈছিল। ভৱাৰ দৰে বৰ সহজে তেওঁ সফলতা লাভ কৰা নাছিল। মুম্বাইলৈ গৈ চিনেমাত অভিয়নৰ সুযোগ নোপোৱালৈকে ৰাজু শ্ৰীবাস্তৱে মুম্বাইত অ’টো চলাইছিল। প্ৰাৰম্ভিক সংগ্ৰামী দিনবোৰত মেধাৱী শ্ৰীবাস্তৱেও জীৱিকা নিৰ্বাহ কৰিবলৈ ৫০ টকাত মিমিক্ৰী পৰিবেশন কৰিবলগীয়া হৈছিল। এইদৰে সংগ্ৰাম অব্যাহত ৰখাৰ পাছতহে তেওঁ তেজাব (১৯৮৮), মেইন প্যাৰ কিয়া (১৯৮৯) আৰু বাজিগৰ (১৯৯৩) আদি ছবিতো কেমিঅ’ ৰ’ল কৰিবলৈ সুযোগ লাভ কৰিছিল।
এই সংগ্ৰামৰ মাজতে ১৯৯৩ চনত শিখাৰ শ্ৰীবাস্তৱৰ সৈতে বিবাহপাশত আৱদ্ধ হৈ ৰাজু শ্ৰীবাস্তৱে ১৯৯৪ চনত দূৰদৰ্শনৰ টি টাইম মনোৰঞ্জনৰ জৰিয়তেপ্ৰথম চৰ্চা লাভ কৰিছিল। পিছলৈ তেওঁ দূৰদৰ্শনৰে সেই সময়ৰ জনপ্ৰিয় ধাৰাবাহিক শক্তিমানত এটা গুৰুত্বপূৰ্ণ চৰিত্ৰত অভিয়নৰ সুযোগ লাভ কৰে৷
লগতে পঢ়ক আজি জনপ্ৰিয় অভিনেত্ৰী বৰষাৰাণী বিষয়াৰ জন্মদিন, পত্নীৰ জন্মদিনত কি ক’লে স্বামী ভাস্কৰে?
ইফালে ২০০৫ চনৰ পৰা ২০১৭ চনৰ ভিতৰত প্ৰচাৰিত হোৱা দ্য গ্ৰেট ইণ্ডিয়ান লাফ্টাৰ চেলেঞ্জত অংশগ্ৰহণ কৰি ২০০৫ চনতে তেওঁ কমেডিয়ান জগতত বিশেষ স্বীকৃতি লাভ কৰে। তেওঁ মঞ্চ অভিয়নতো বিশেষ দখল আছিল আৰু গজোধৰ আৰু মনোধৰ চৰিত্ৰটো সকলোৰে ভাল পাইছিল। ৰাজু শ্ৰীবাস্তৱৰ মঞ্চ চৰিত্ৰ গজোধৰ তেওঁৰ কেৰিয়াৰৰ টাৰ্নিং পইণ্ট আছিল বুলি কোৱা হয়। ইয়াৰ পাছত তেওঁ আৰু পিছলৈ ঘূৰি চোৱা নাছিল৷
কমেডীৰ জগতখন মানুহৰ হৃদয় জয় কৰাৰ পিছত তেওঁ আনকি ৰাজনীতিতো প্ৰৱেশ কৰিছিল। ২০১৪ চনৰ লোকসভা নিৰ্বাচনত শ্ৰীবাস্তৱক সমাজবাদী পাৰ্টিয়ে কানপুৰত প্ৰাৰ্থীত্ব প্ৰদান কৰিছিল যদিও সেই টিকট তেওঁ টিকট ঘূৰাই দি ভাৰতীয় জনতা পাৰ্টীত যোগদান কৰে। প্ৰধানমন্ত্ৰী নৰেন্দ্ৰ মোদীৰ স্বচ্ছ ভাৰত অভিযানৰ অংশ হিচাপে তেওঁ সেই অভিযানৰ অংশ হিচাপে বিভিন্ন টিভি বিজ্ঞাপন আৰু সামাজিক মাধ্যমৰ বাবে ভিডিঅ’ শ্বুট কৰে। আনকি উত্তৰ প্ৰদেশৰ চলচ্চিত্ৰ উন্নয়ন পৰিষদ অধ্যক্ষও আছিল কমেডিয়ান ৰাজু শ্ৰীবাস্তৱ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
