আজিৰ দিনটোত এটকা উপাৰ্জন কৰাই কঠিন, কিন্তু সেয়া যত্ন সহকাৰে সঞ্চয় কৰা আৰু কঠিন৷ বিশেষকৈ সকলোৱে বিচাৰে চৰকাৰে যেন এই বিনিয়োগত নিৰাপত্তা দিয়ে৷ চৰকাৰী নিৰাপত্তা থকা একমাত্ৰ বিনিয়োগৰ স্থান হৈছে পোষ্ট অফিচৰ স্কিমসমূহ৷ পোষ্ট অফিচত আপুনি দ্বিধা নথকাকৈ ধন বিনিয়োগ কৰিব পাৰে৷ ইয়াতেই জানি থওক পোষ্ট অফিচত মাহিলী ৫ হাজাৰকৈ সঞ্চয় কৰি কেনেকৈ পাঁচ বছৰত লাখ লাখ টকা জমা কৰিব?
প্ৰতিমাহে ৫০০০ টকাকৈ জমা কৰিলে কিমান টকা পোৱা যাব?
কোনোৱে যদি এই আৰ ডি একাউণ্টত প্ৰতিমাহে ৫০০০ টকাকৈ জমা কৰে তেতিয়া পাঁচ বছৰত মুঠ বিনিয়োগ হ’ব ৩,০০,০০০ টকা৷ চৰকাৰৰ পৰা বৰ্তমান পোষ্ট অফিচ আৰ ডিত সুদ দিয়া হৈছে বাৰ্ষিক ৬.৭শতাংশকৈ৷ ম্যাদৰ শেষত সেয়ে আপুনি লাভ কৰিব ৩,৫৬,৮৩০ টকা৷ ইয়াৰ মানে হৈছে অতিৰিক্ত ৫৬, ৮৩০ টকা আপুনি লাভ কৰিব৷
এই প্ৰকল্পৰ মূল উদ্দেশ্য সাধাৰণ কৰ্মচাৰী, গৃহিণী আৰু সৰু ব্যৱসায়ীসকলক লাভাম্বিত কৰা৷ চৰকাৰ কৰ্তঋক নিৰ্ধাৰিত ৬.৭ শতাংশ সুদৰ হাৰ বজাৰৰ ওঠানমাৰ সৈতে সম্পৰ্কিত নহয়৷ এই একাউণ্ট আপুনি মাহিলী মাত্ৰ ১০০ টকা দিও খুলিব পাৰে৷ সৰ্বোচ্চ বিনিয়োগৰ কোনো সীমা নাই৷ ইয়াৰ গুৰুত্বপূৰ্ণ চৰ্তাৱলী হৈছে এই প্ৰকল্পৰ ম্যাদ ৫ বছৰ৷ প্ৰতিমাহে নিৰ্ধাৰিত তাৰিখৰ ভিতৰত কিস্তি অৱশ্যেই পৰিশোধ কৰিব লাগিব৷ যদি ভুলবশত কিস্তি পৰিশোধ নহয় তেতিয়া জৰিমনা পৰিশোধ কৰিব লাগিব৷
যিসকলে সন্তানৰ উচ্চশিক্ষা, বিবাহৰ খৰচ বা ভৱিষ্যতে কোনো সম্পত্তি ক্ৰয়ৰ বাবে বিনিয়োগ কৰিব খোজে তেন্তে এয়া এক নিৰ্ভৰযোগ্য উপায়৷ এক সুশৃঙ্খল সঞ্চয়ৰ অভ্যাস গঢ়ি তোলাৰ বাবে পোষ্ট অফিচ আৰ ডি এক চমৎকাৰ আৰ্থিক মাধ্যম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
