বিশ্বজুৰি তোলপাৰ, দেশ এৰি পলায়নৰ সময়তে বিমান দুৰ্ঘটনা চিৰিয়াৰ ৰাষ্ট্ৰপতিৰ !
ছিৰিয়াৰ গভীৰ ৰাজনৈতিক সংকটৰ মাজতে ডাঙৰ খবৰ পোহৰলৈ আহিছে। দাবী কৰা হৈছে যে ছিৰিয়াৰ ৰাষ্ট্ৰপতি বাছাৰ আল আছাদে দেশ এৰি পয়ালন কৰাৰ সময়তে বিমান দুৰ্ঘটনাগ্ৰস্ত হৈছে। সূত্ৰ অনুসৰি তেওঁৰ বিমানখন আকাশত ৫০০ মিটাৰ উচ্চতাত দুৰ্ঘটনাগ্ৰস্ত হয়, যাৰ ধ্বংসাৱশেষো ইতিমধ্যে উদ্ধাৰ কৰা হৈছে।
সামাজিক মাধ্যমত বৰ্তমানে ভাইৰেল হৈ পৰা মতে, পৰিয়ালসহ দেশ এৰি পলায়নৰ সময়তে বাটতে বিমানখন দুৰ্ঘটনাগ্ৰস্ত হয় বাছাৰ আল আছাদৰ। উল্লেখ্য যে, বৰ্তমানে ছিৰিয়াত গৃহযুদ্ধ চলি আছে। ছিৰিয়াৰ ৰাষ্ট্ৰপতি বাছাৰ আল আছাদে বিদ্ৰোহীৰ আক্ৰমণৰ পিছতে পৰিয়ালসহ ৰাজধানী ডামাস্কাছৰ পৰা পলায়ন কৰে। বিমানেৰে পলায়ন বাছাৰ আছাদৰ। কিন্তু বিমানখন উৰণৰ সময়তে বিদ্ৰোহীয়ে বিমানখনক লক্ষ্য কৰি গুলি কৰা বুলি দাবী কৰা হৈছে।
সংবাদ মাধ্যমৰ বাতৰি অনুসৰি ছিৰিয়াত বিগত ১২ বছৰ ধৰি গৃহযুদ্ধ চলি আছে। এতিয়া ছিৰিয়াৰ বিদ্ৰোহীৰ আক্ৰমণ তীব্ৰতৰ হৈ পৰিছে। আলেপ্পো আৰু হোমছৰ দৰে ডাঙৰ চহৰ দখল কৰাৰ পিছত বিদ্ৰোহীসকলে ৰাজধানী দামাস্কাছতো দখল কৰাৰ উদ্দেশ্যে আক্ৰমণ কৰে। বিদ্ৰোহীয়ে দামাস্কাছত প্ৰৱেশ কৰাৰ লগে লগে ৰাষ্ট্ৰপতিয়ে বাধ্য হৈ ৰাজধানী এৰিবলগীয়া হয়
আৰু তেতিয়াই ৰাষ্ট্ৰপতিৰ বিমান দুৰ্ঘটনাত পতিত হয়। পাছে বৰ্তমানলৈ ইয়াৰ সত্যতা সম্পূৰ্ণ জানিব পৰা হোৱা নাই। এতিয়ালৈকে কোনেও ঠাৱৰ কৰিব পৰা হোৱা নাই সঁচাকৈ দুৰ্ঘটনাত পতিত হোৱা বিমান খন ৰাষ্ট্ৰপতি বাছাৰ আল আছাদৰ হয় নে নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
