চৌদি আৰৱৰ এখন বিশেষ চহৰত গাহৰি মাংসৰ সৈতে, সুৰা আৰু জুৱাও উপলব্ধ হ’ব৷ আৰৱ বিশ্বৰ আধুনিকতাৰ বাৰ্তাবাহক হৈ এই কথা প্ৰকাশ কৰিছে চৌদি আৰৱৰ যুৱৰাজ মহম্মদ বিন ছলমানে৷ এখন আমেৰিকান এখন আলোচনীক দিয়া সসাক্ষাৎকাৰত এইদৰে কয় চৌদি আৰৱৰ যুৱৰাজগৰাকীয়ে৷
চৌদি আৰৱৰ যুৱৰাজ মহম্মদ বিন ছলমানে দেশখনত অব্যাহত ৰখা সংস্কাৰৰ বিষয়ে ক’বলৈ গৈ লগতে আৰু কয় যে চৌদি আৰৱে উগ্ৰপন্থীৰ পৰা উদাৰবাদলৈ, অৰ্থাৎ প্ৰকৃত ইছলামলৈ গৈ আছে। ‘‘আমি ইছলামৰ প্ৰকৃত শিক্ষালৈ উভতি আহিছো। এইটো পয়গম্বৰ মহম্মদৰ দ্বাৰা দেখুওৱা সঠিক পথ। এই পথটো ইছলামৰ চাৰিজন খলিফাইও গ্ৰহণ কৰিছিল। ইছলামৰ এই পথটো এখন মুক্ত আৰু শান্তিপূৰ্ণ সমাজৰ।’’
তেওঁ লগতে কয় যে ‘‘ইছলামৰ প্ৰথম চাৰিজন খলিফাৰ শাসনত খ্ৰীষ্টান আৰু ইহুদীসকলেও মুছলমানসকলৰ সৈতে একেলগে বাস কৰিছিল। তেওঁ আমাক সকলো সংস্কৃতি আৰু ধৰ্মক সন্মান কৰিবলৈ শিকাইছে। এইটো সঠিক পথ আৰু আকৌ এবাৰ আমি একেটা পথলৈ উভতি যাম।’’ আমেৰিকান আলোচনী দ্য আটলাণ্টিকৰ সৈতে হোৱা এক সাক্ষাৎকাৰত মহম্মদ বিন ছলমানে এইদৰে কয়৷
লগতে পঢ়ক সমগ্ৰ ইউক্ৰেইনতে নহয়, মাত্ৰ দুখন চহৰতে কিয় ৰাছিয়াৰ এই সাময়িক যুদ্ধবিৰতি?
সাক্ষাৎকাৰটোত মহম্মদ বিন ছলমানে দেশখনত হোৱা উন্নতিৰ বিষয়ে বিতংভাৱে বৰ্ণনা কৰে। ‘‘আমি উদাৰ ইছলামৰ দিশে নহয়, ইছলামৰ মৌলিক শিক্ষাৰ দিশে আগবাঢ়িছো।’’ চৌদি আৰৱত তেওঁ অনুসৰণ কৰি থকা উদাৰ ইছলাম সম্পূৰ্ণ বেলেগ বুলি তেওঁ ভাবে নেকি বুলি কৰা প্ৰশ্নৰ উত্তৰত তেওঁ কয়, ‘‘মই কেতিয়াও উদাৰ ইছলাম শব্দটো ব্যৱহাৰ নকৰোঁ, ই উগ্ৰপন্থী আৰু সন্ত্ৰাসবাদীসকলকো সন্তুষ্ট কৰে৷’’
ইয়াৰ কাৰণ বৰ্ণনা কৰি তেওঁ কয় যে যদি আমি উদাৰ ইছলামৰ ভাষ্য ব্যৱহাৰ কৰোঁ, ই এটা বাৰ্তা প্ৰেৰণ কৰে যে চৌদি আৰৱ আৰু বাকী মুছলমান দেশসমূহত ইছলামক পৰিৱৰ্তন কৰা হৈছে, যিটো সম্পূৰ্ণ ভুল।
ইফালে চৌদি আৰৱৰ যুৱৰাজ প্ৰিন্স মহম্মদ বিন ছলমানে তেওঁৰ দেশৰ বাবে ভিজন ২০৩০ গ্ৰহণ কৰি কাম আৰম্ভ কৰিছে। ইয়াৰ অধীনত, তেওঁলোকৰ পৰিকল্পনা হৈছে দেশৰ অৰ্থনীতিক তেল-কেন্দ্ৰিক নহয়, তেল-কেন্দ্ৰিক কৰি আন উৎসৰ পৰা উপাৰ্জন বৃদ্ধি কৰা।
লগতে কয় বৃহৎ স্বতি ইউক্ৰেইনৰ লগতে বিশ্ববাসীৰ : ৰাছিয়াই ঘোষণা কৰিলে যুদ্ধ বিৰতি
ইয়াৰ অধীনত চৌদি আৰৱত এখন ক্ৰীড়া চহৰও নিৰ্মাণ কৰা হৈছে। বিশেষ কথাটো হ’ল যে এই চহৰখনক চৰিয়া আইনৰ পৰা মুক্ত ৰখা হৈছে। অৰ্থাৎ ইয়ালৈ অহা লোকসকলে তেওঁলোকৰ দেশৰ সংস্কৃতি অনুসৰি পোছাক পিন্ধিব পাৰিব।
একে সময়তে, ইয়াত সুৰা, জুৱা আৰু গাহৰিৰ মাংসৰ ওপৰত কোনো নিষেধাজ্ঞা নাথাকিব। ইয়াৰ উপৰিও, চৌদি আৰৱত চিনেমা হলও মুকলি কৰা হৈছে, যাক মুছলমান বিশ্বত তীব্ৰ বিৰোধিতা কৰা হৈছে।
উল্লেখনীয় যে মুছলমানসকলৰ দুয়োটা পবিত্ৰ স্থান চৌদি আৰৱৰ মক্কা (কাবা, বিশ্বৰ প্ৰথম মছজিদ) আৰু মদিনা (মুহম্মদৰ সমাধি)ত আছে। সেয়েহে, সমগ্ৰ বিশ্বৰ মুছলমানসকলৰ চৌদি আৰৱৰ প্ৰতি এক বিশেষ আগ্ৰহ দেখা যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
