পুৰীৰ জগন্নাথ মন্দিৰ, হিন্দুসকলৰ অন্যতম প্রধান তীৰ্থস্থান৷ কেৱল দেশতেই নহয় এই মন্দিৰৰ খ্যাতি বিশ্বতেই আছে৷ ৰথযাত্ৰাৰ সময়ত এই স্থানত লক্ষ লক্ষ দৰ্শনাৰ্থী প্ৰভু জগন্নাথৰ দৰ্শন কৰিবলৈ আহে৷ অৱশ্যে ৰথযাত্ৰাৰ সময়তেই নহয়, গোটেই বছৰ ধৰি পুৰীৰ মন্দিৰত ভক্তই ভীৰ কৰে৷ ধনী-দুখীয়া নিৰ্বিশেষে সকলোৱেই আহে এই মন্দিৰত৷
হিন্দুধৰ্মত চাৰি ধাম৷ বদ্ৰীনাথ, দ্বাৰকা, ৰামেশ্বৰম আৰু পুৰী৷ এই চাৰি ধামৰ মাজত সকলোতকৈ বেছি গুৰুত্ব দিয়া হয় পুৰীক৷ পুৰীৰ জগন্নাথ মন্দিৰৰ বহু বৈশিষ্ট্য আছে৷ এই বৈশিষ্ট্যসমূহেই অনন্য কৰি তোলে পুৰীৰ জগন্নাথ মন্দিৰক৷ এই মন্দিৰক লৈ বহু কাহিনী আছে৷ যুগ যুগ ধৰি এই কাহিনীক বিশ্বাস কৰি আহিছে ভক্তসকলে৷ পুৰীৰ জগন্নাথ মন্দিৰৰ ওপৰেৰে বিমান চলাচল কৰিব নোৱাৰে৷ আনকি এই মন্দিৰৰ ওপৰেৰে কোনো চৰাইয়ো উৰিব নোৱাৰে৷ কিয় এই অদ্ভুত ঘটনা?
পুৰাণ অনুসৰি, ভগৱান বিষ্ণুৱে মৰ্ত্যলোকলৈ আহি চাৰিধাম যাত্ৰা কৰে৷ এই চাৰি ধাম হৈছে বদ্ৰীনাথ ধাম, দ্বাৰকা ধাম, পুৰী ধাম আৰু ৰামেশ্বৰম৷ প্ৰথমে হিমালয়ৰ শিখৰত অৱস্থিত উত্তৰাখণ্ডৰ বদ্ৰীনাথ ধামত হৈ তেওঁ গা ধুইছিল৷ তাৰপাছতেই গুজৰাটৰ দ্বাৰকা ধামত গৈ বস্ত্ৰ পৰিধান কৰিছিল৷ ওড়িশাৰ পুৰী ধামতগৈ তেওঁ ভোজন কৰিছিল৷ আৰু সৰ্বশেষত তেওঁ তামিলনাডুৰ ৰামেশ্বৰমত গৈ বিশ্ৰাম কৰিছিল৷ হিন্দুৰ বৈকুণ্ঠ পুৰী জগন্নাথ মন্দিৰ ধৰ্মপ্ৰাণ হিন্দুৰ অতি পবিত্ৰ স্থান৷ তাত প্ৰত্যেকদিনেই বিধান মানি ভগৱান শ্ৰী কৃষ্ণ, সুভদ্ৰা আৰু বলভদ্ৰৰ পূজা কৰা হয়৷
পুৰীৰ সৈতে যুক্ত প্ৰাচীন বিশ্বাস
হিন্দু ভক্তসকলে বিশ্বাস কৰে যে, ভগৱান শ্ৰীকৃষ্ণই দেহত্যাগৰ পাছত তেওঁৰ নশ্বৰ দেহ দাহ কৰা হৈছিল৷ তেতিয়া সেই দেহৰ এটা অংশৰ বাদে তেওঁৰ শৰীৰৰ সকলো অংশ পঞ্চতত্ত্বত বিলীন হৈ যায়৷ কথিত যে ৰৈ যোৱা অংশটোৱেই ভগৱান শ্ৰী কৃষ্ণৰ হৃদয়৷ সেই হৃদয় আজিও স্পন্দিত হৈ থাকে৷ এই হৃদপিণ্ড আজিও ভগৱান জগন্নাথৰ মূৰ্তিৰ ভিতৰত সুৰক্ষিত হৈ আছে৷
পুৰীৰ প্ৰসাদ তৈয়াৰৰো আছে বিশেষ পদ্ধতি
পুৰীৰ জগন্নাথৰ প্ৰসাদক কোৱা হয় মহাপ্ৰসাদ৷ এই প্ৰসাদ তৈয়াৰ কৰা হয় বিশেষ পদ্ধতি মানি৷ এই প্ৰসাদৰ বিশেষত্ব এয়াই যে মাটিৰ পাত্ৰত এই প্ৰসাদ তৈয়াৰ কৰা হয়৷ গেছ চিলিণ্ডাৰৰ জুইত এই প্ৰসাদ তৈয়াৰ কৰা নহয়৷ জুইতেই এই প্ৰসাদ তৈয়াৰ কৰা হয়৷
বিমান বা চৰাই কিয় এই মন্দিৰৰ ওপৰেদি উৰিব নোৱাৰে?
বিশ্বাস যে শ্ৰী কৃষ্ণৰ বাহন গৰুড় পুৰীৰ জগন্নাথ মন্দিৰৰ সুৰক্ষাৰ দায়িত্বত আছে৷ সেয়ে পক্ষীৰাজ গৰুড়ে অন্য কোনো চৰাইকেই সেই মন্দিৰৰ ওপৰেৰে পাৰ হ’ব নিদিয়ে৷ জগন্নাথ মন্দিৰৰ ওপৰত এবিধ অষ্টধাতুৰ চক্ৰ আছে৷ ইয়াক নীল চক্ৰ বুলি কোৱা হয়৷ বিশ্বাস যে, এই চক্ৰটোৱেই মন্দিৰৰ ওপৰেৰে কোনো বিমান বা চৰাই উৰাত বাধা দিয়ে৷ প্ৰকৃততে নীল চক্ৰৰ মেগনেটিক পাৱাৰৰ বাবেই বিমান ইয়াৰ ওপৰেৰে উৰিব নোৱাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
