পহেলগামৰ ভয়াৱহ সন্ত্ৰাসবাদী আক্ৰমণৰ উপযুক্ত উত্তৰ খুব কম সময়ৰ ভিতৰতেই দিব ভাৰতে৷ বুধবাৰে বায়ুসেনাৰ এক অনুষ্ঠানলৈ গৈ এই দাবী কৰিছে প্ৰতিৰক্ষামন্ত্ৰী ৰাজনাথ সিঙে৷ তেওঁ আকৌ দাবী কৰিছে যে কেৱল আক্ৰমণকাৰী সন্ত্ৰাসবাদীয়েই নহয়, পহেলগামৰ আক্ৰমণৰ চক্ৰান্ত যিসকলে কৰিছে তেওঁলোকক উচিত প্ৰতুত্ত্যৰ দিয়া হ’ব৷
প্ৰতিৰক্ষামন্ত্ৰীয়ে কয়, সন্ত্ৰাসবাদীৰ কাপুৰোচিত আক্ৰমণত আমাৰ দেশৰ বহু নিৰ্দোষ নাগৰিকে প্ৰাণ হেৰুৱাইছে৷ এই চৰম অমানৱিকতাত আমাৰ প্ৰত্যেকেই শোক আৰু যন্ত্ৰণাত আছো৷ এতিয়াই সন্ত্ৰাসবাদৰ বিৰুদ্ধে ভাৰতৰ দৃঢ় সংকল্পৰ কথা আমি মনত পেলাই দিব খুজিছো৷ এই কাপুৰোচিত আক্ৰমণৰ বিৰুদ্ধে ভাৰতৰ প্ৰতিগৰাকী নাগৰিক একগোট হওক৷ দেশবাসীক জনাই দিছো, আমি ভাৰত চৰকাৰে উপযুক্ত সকলো পদক্ষেপেই লম৷ যিসকলে এই আক্ৰমণ কৰিছে তেওঁলোকক এৰি দিয়া নহ’ব৷ পৰ্দাৰ আঁৰত থাকি ভাৰতৰ মাটিত এই ধৰণৰ আক্ৰমণৰ চক্ৰান্ত কৰাসকলক আমি এৰি নিদিও৷ ভাৰতৰ দৰে ইমান প্ৰাচীন সভ্যতা আৰু ডাঙৰ দেশক একো কৰিব নোৱাৰে৷ যিসকল দায়ী তেওঁলোকক কিছু সময়ৰ ভিতৰতেই প্ৰতুত্ত্যৰ দিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
