ডিজিটেল ডেস্কঃ চলি থকা চৰ্চাৰ মাজতে বিয়াখন পাতিয়েই পেলালে পৰিচালক, অভিনেতা তথা চলমান খানৰ ভাতৃ আৰবাজ খানে। প্ৰথমা পত্নী মালাইকা আৰোকাক দুখৰ সাগৰত পেলাই আৰবাজে পুনৰ আৰম্ভ কৰিলে যুগ্ম জীৱন। বহুদিনীয়া চৰ্চাৰ অন্ত পেলাই যোৱা ২৪ ডিচেম্বৰত চুৰা খানৰ সৈতে দ্বিতীয়বাৰৰ বাবে বিবাহপাশত আৱদ্ধ হল আৰবাজ খান।
বলিউদৰ মোহময়ী অভিনেত্ৰী ৰবিনা টেণ্ডনৰ মেকআপ আৰ্টিষ্ট চুৰা খানৰ সৈতে হোৱা এই বিবাহ অনুষ্ঠানত আৰবাজ আৰু চুৰাৰ পৰিয়ালৰ লোকসকলৰ লগতে কিছু ঘনিষ্ঠ লোক উপস্থিত থাকে। ৫৬বছৰীয়া আৰবাজ খানে বিয়াৰ পাছতে দুয়োৰে ফটো ইনষ্টাগ্ৰামত শ্বেয়াৰ কৰে। ফটো শ্বেয়াৰ কৰি আৰবাজে লিখে যে, ”আপোন মানুহৰ উপস্থিতিত মই আৰু মোৰ প্ৰেমিকাই এটা নতুন যাত্ৰা আৰম্ভ কৰিলো। এই যাত্ৰা ওৰোটে জীৱন একেলগে থাকিব বুলি আৰম্ভ কৰিলো। এই বিশেষ দিনটোত আপোনালোকৰ আৰ্শীবাদ বিচাৰিলো। ”
আৰবাজ খানৰ এই বিবাহ অনুষ্ঠানত লক্ষ্যণীয়ভাৱে উপস্থিত থাকিল আৰবাজ আৰু মলাইকাৰ বৰপুত্ৰও। আৰবাজৰ বৰপুত্ৰ আৰহানেও পিতৃৰ দ্বিতীয় বিয়াত উপস্থিত থাকি নতুন মাতৃ আৰু পিতৃৰ সৈতে ফটোও উঠিলে। চাওক সেই চৰ্চিত ফটোখন-
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ