আই পি এল ২০২৬ৰ অন্তিমখন খেলত ৰয়েল চেলেঞ্জাৰছ বেংগালুৰু আৰু গুজৰাট টাইটানছৰ মাজত অনুষ্ঠিত হয়। এই খেলখন আজি আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত ক্ৰিকেট অনুৰাগীয়ে উপভোগ কৰে। ক্ৰিকেট জগতত ৰয়েল চেলেঞ্জাৰছ বেংগালুৰু (আৰ চি বি)য়ে অপেক্ষা কৰি থকা কৃতিত্ব অৰ্জন কৰিলে। আই পি এল ২০২৬ৰ ফাইনেলত ৰজত পাটিদাৰৰ অধিনায়কত্বত থকা আৰ চি বিয়ে শুভমন গিলৰ গুজৰাট টাইটানছ (GT)ক পৰাস্ত কৰি একেৰাহে দ্বিতীয়বাৰৰ বাবে আই পি এল খিতাপ দখল কৰে। আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত এই হাই ভল্টেজ মেচখনত বেংগালুৰুৱে প্ৰতিটো বিভাগতে উৎকৃষ্ট প্ৰদৰ্শনেৰে নিজৰ আধিপত্য প্ৰমাণ কৰি ৫ উইকেটত জয়লাভ কৰে। ইয়াৰ লগে লগে আৰ চি বি আই পি এলত খিতাপ ৰক্ষা কৰা তৃতীয়টো দল হিচাপে পৰিগণিত হয়।
বলাৰসকলে জয়ৰ বাবে শক্তিশালী ভেটি গঢ়িলে
টছত জয়ী হৈ প্ৰথমে বলিং কৰিবলৈ বাছি লোৱা আৰ চি বিয়ে শক্তিশালী আৰম্ভণি কৰে। আৰ চি বিৰ বলাৰসকলে অধিনায়ক ৰজত পাটিদাৰৰ প্ৰথমে বল কৰাৰ সিদ্ধান্তক সম্পূৰ্ণৰূপে ন্যায্যতা প্ৰদান কৰে। ফাষ্ট বলাৰ জোছ হেজলউডে গুজৰাটক এক বৃহৎ আঘাতৰ সৃষ্টি কৰি অধিনায়ক শুভমন গিলক মাত্ৰ ১০ ৰানত আউট কৰে। ইয়াৰ কিছু সময়ৰ পাছতে ১২ ৰান সংগ্ৰহ কৰি ছাই সুদৰ্শনেও আঁতৰি যায়। ইয়াৰ পিছতে জোছ বাটলাৰে ইনিংছটো সুস্থিৰ কৰিবলৈ চেষ্টা কৰে যদিও অলৰাউণ্ডাৰ ক্ৰুনাল পাণ্ডিয়াই গুজৰাটৰ আশা ভেঙুচালি কৰি নিখুঁত ৱাইড য়ৰ্কাৰে তেওঁক আউট কৰি দিয়ে।
বিৰাট কোহলীৰ যাদু
১৫৬ ৰানৰ লক্ষ্যৰ প্ৰতি সঁহাৰি জনাই ভেংকটেশ আয়াৰ আৰু বিৰাট কোহলীয়ে আৰচিবিক বিস্ফোৰক আৰম্ভণি কৰে। ভেংকটেশ আয়েৰে ১৬টা বলত ৩২ ৰান সংগ্ৰহ কৰে, য’ত ৪টা চাৰি আৰু ২টা ছয়। অৱশ্যে ১ ৰাণত আউট হয় দেৱদত্ত পাদিক্কল। ইয়াৰ পিছতে ৰছিদ খানে একেটা অভাৰতে ৰজত পাটিদাৰ আৰু ক্ৰুনাল পাণ্ডিয়াক আউট কৰি গুজৰাটৰ ইনিংছ পুনৰ সজীৱ কৰি তুলিবলৈ চেষ্টা কৰে যদিও বিৰাট কোহলীয়ে এটা মূৰ ধৰি ৰাখিবলৈ সক্ষম হয়। ইফালে, টিম ডেভিদে ১৭টা বলত ২৪ ৰান সংগ্ৰহ কৰি দলটোক জয়ৰ দিশে আগুৱাই লৈ যায়। ইফালে বিৰাট কোহলীয়ে ৪২টা বলত অপৰাজিত ৭৫ ৰান কৰি দলৰ জয় নিশ্চিত কৰে। তেওঁৰ ইনিংছত আছিল ৯টা চাৰি আৰু ৩টা ছয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
