অসম লাইভ২৪ঃ ঋষভ পণ্টৰ স্বাস্থ্য এতিয়া কেনে আছে? ঋষভে দুদিন পূৰ্বে দিয়া এটা টুইট এতিয়া দেশজুৰি ভাইৰেল৷ ঋষভে তেওঁৰ স্বাস্থ্যসম্পৰ্কীয় কথাকেই টুইটৰ জৰিয়তে দাঙি ধৰিছে৷ পণ্টে টুইটত উল্লেখ কৰা অনুযায়ী তেওঁৰ ভৰিৰ যি চাৰ্জাৰী হৈছিল সেয়া সফল হৈছে৷ শৰীৰ বৰ্তমান পূৰ্বতকৈ সুস্থ৷ লগতে দুৰ্ঘটনাৰ পাছত যিসকল লোকে তেওঁক সহায় সহযোগিতা আগবঢ়াইছে সকলোকে ধন্যবাদো জ্ঞাপন কৰিছে ভাৰতীয় দলৰ ক্ৰিকেটাৰগৰাকীয়ে৷
ঋষভৰ এই টুইটৰ পাছতেই আন এটা বিশেষ আপডেটো অহিছে, যি ভাৰতীয় ক্ৰিকেট দলটোৰ লগতে ঋষভৰ বাবেও এটা ভাল খবৰ৷ আৰু ২ সপ্তাহৰ পাছতেই ঋষভ সম্পূৰ্ণ সুস্থ হৈ উঠিব বুলি চিকিৎকে প্ৰতিবেদনত প্ৰকাশ কৰিছে৷ বৰ্তমান ঋষভ মুম্বাইৰ কোকিলাবেন হাস্পতালত চিকিৎসাধীন হৈ আছে৷ আঁঠুৰ লিগামেণ্টৰ জোৰাও প্ৰায় লাগিছে বুলি চিকিৎসকে তেওঁলোকৰ প্ৰতিবেদনত উল্লেখ কৰিছে৷ অচিৰেই ঋষভক চিকিৎসালয়ৰ পৰা যাবলৈ দিয়া হ’ব বুলিও এক সূত্ৰই প্ৰকাশ কৰিছে৷ ভাৰতৰ এখন আগশাৰীৰ সংবাদপত্ৰত উল্লেখ থকামতে আৰু ২সপ্তাহৰ পাছতেই ঋষভক ঘৰলৈ যাবলৈ দিয়া হ’ব৷
এই সময়ত বহুতেই জানিবলৈ আগ্ৰহী হৈ উঠিছে যে কেতিয়া আকৌ ফিল্ডত দেখা যাব ঋষভক? এক সূত্ৰই প্ৰকাশ কৰামতে দুমাহ পাছতেই অনুশীলনত নামিব পাৰিব ঋষভ৷ ২০২৩ বৰ্ষত অনুষ্ঠিত হ’বলগীয়া বন্দে বিশ্বকাপো হয়তো খেলিব ঋষভে৷ এই বৰ্ষৰে অক্টোবৰ নাইবা নৱেম্বৰত বন্দে বিশ্বকাপ অনুষ্ঠিত হ’ব৷ চিকিৎসকৰ এক সূত্ৰই প্ৰকাশ কৰামতে ঋষভ সম্পূৰ্ণ সুস্থ হৈ উঠিবলৈ কমেও ৬ মাহ সময় লাগিবই৷ তাৰ পাছত তেওঁ পূৰ্বৰ দৰেই ফিল্ডত নামিব পাৰিব৷ চিকিৎসকে প্ৰতিসময়তে তেওঁৰ স্বাস্থ্যৰ প্ৰতি নজৰ ৰাখিব বুলিও চিকিৎসকমহলে প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
