অধিনায়ক হিচাপে খেলপথাৰত নামিয়ে অভিলেখ ৰিয়ানৰ, বিৰাট-স্মিথৰ সৈতে একে তালিকাত
আজি ১৮ সংখ্যক আই পি এল ছিজনৰ দ্বিতীয়খন খেলত ছানৰাইজাৰ্ছ হায়দৰাবাদ আৰু ৰাজস্থান ৰয়েলছৰ মাজত অনুষ্ঠিত হৈ আছে। এই খেলখনত ৰাজস্থান দলে নতুন অধিনায়ক ৰিয়ান পৰাগৰ নেতৃত্বত খেলপথাৰত নামিছে।
ইয়াৰ লগে লগে তাৰকা বেটছমেনগৰাকীয়ে নিজৰ নামত এক ডাঙৰ অভিলেখ পঞ্জীয়ন কৰিছে। তেওঁ আই পি এলৰ যিকোনো দলৰ অধিনায়কত্ব কৰা চতুৰ্থজন কনিষ্ঠ অধিনায়ক হিচাপে পৰিগণিত হয় ৰিয়ান।
ৰাজস্থান ৰয়েলছৰ নিয়মীয়া অধিনায়ক সঞ্জু চেমছনৰ ঠাইত ৰিয়ান পৰাগক অধিনায়ক হিচাপে নিযুক্তি দিয়া হৈছে। আচলতে ছিজন আৰম্ভ হোৱাৰ পূৰ্বে উইকেটকীপাৰ বেটছমেনগৰাকীৰ আঙুলিৰ অস্ত্ৰোপচাৰ হৈছিল। যাৰ বাবে সঞ্জুক সম্পূৰ্ণ ফিট হ’বলৈ সময় লাগিব। সেয়েহে প্ৰথম তিনিখন খেলৰ বাবে ৰিয়ান পৰাগক দলৰ কমাণ্ড দিয়া হৈছে।
২৩ বছৰীয়া ৰিয়ানে আজি খেলপথাৰত নামিয়ে নিজৰ নামত এক ডাঙৰ অভিলেখ পঞ্জীয়ন কৰিছে । তেওঁ আই পি এলৰ যিকোনো দলৰ নেতৃত্ব দিয়া চতুৰ্থজন কনিষ্ঠ অধিনায়ক হিচাপে পৰিগণিত হয়। ৰিয়ান পৰাগে ২৩ বছৰ ১৩৩ দিন বয়সত ৰাজস্থানদলক নেতৃত্ব দিছে।
এই ক্ষেত্ৰত ৰিয়ানে বিৰাট কোহলী, ষ্টিভ স্মিথ আদিৰ সৈতে একে তালিকাত স্থান পাইছে। এই তালিকাৰ শীৰ্ষত বিৰাট কোহলী। বিৰাটে ২০১১ চনত ২২ বছৰ ১৮৭ দিন বয়সত আৰচিবিৰ নেতৃত্ব দিছিল। দ্বিতীয় স্থানত ষ্টিভ স্মিথ থকাৰ বিপৰীতে তৃতীয় স্থানত আছে অধিনায়ক সুৰেশ ৰাইনা।
তালিকা-
বিৰাট কোহলী-২২ বছৰ ১৮৭ দিন-২০১১ চন
ষ্টিভ স্মিথ-২২ বছৰ ৩৪৪ দিন-২০১২ চন
সুৰেশ ৰাইনা-২৩ বছৰ ১১২ দিন-২০১০ চনত
ৰিয়ান পৰাগ-২৩ বছৰ ১৩৩ দিন-২০২৫*
শ্ৰেয়াছ আয়াৰ-২৩ বছৰ ১৪২ দিন-২০১৮ চনত
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
