অসম লাইভ২৪ঃ ৰোহিত শৰ্মাই ভাৰতীয় ক্ৰিকেট দলত স্থান লাভ কৰাটো একদম সহজো নাছিল। মসৃণ নাছিল ৰোহিতৰ যাত্ৰা। ২০১১ চনত পোনতে অপেনাৰ হিচাপে খেলপথাৰত নমাৰ সুযোগ পাইছিল ৰোহিত শৰ্মাই। মঙলবাৰে ভাৰতীয় ক্ৰিকেট দলৰ অপেনাৰ হিচাপে ৰোহিতে ১০ বছৰ সম্পূৰ্ণ কৰিছে। কিন্তু ৰোহিতে অপেনাৰ হিচাপে ক্ৰিকেটত কেৰিয়াৰ আৰম্ভ কৰা নাছিল। ৰোহিতৰ এই যাত্ৰাৰ সমূহ কথা তুলি ধৰিছে ভাৰতীয় ক্ৰিকেট দলৰ প্ৰশিক্ষক ৰাহুল দ্ৰাবিড়ে। ৰোহিতৰ বিষয়ে জনাবলৈ গৈ ৰাহুল দ্ৰাবিড়ে পোনতেই ৰোহিতক এগৰাকী ক্ৰিকেটৰ মহান সেৱক হিচাপে অভিহিত কৰিছে।
২০১১ চনৰ জানুৱাৰীত দক্ষিণ আফ্ৰিকাৰ বিৰুদ্ধে খেলি কেৰিয়াৰ আৰম্ভ কৰিছিল ৰোহিতে। ২০১৩ চনত ইংলেণ্ডৰ বিৰুদ্ধে এগৰাকী শ্ৰেষ্ট অপেনাৰ হিচাপে ধৰা দিছিল। ৰোহিতক লৈ ৰাহুল দ্ৰাবিড়ে কৈছে, ‘ৰোহিত এজন অসাধাৰণ ক্ৰিকেটাৰ। মই ৰোহিতক প্ৰথম লগ পাওঁতে তেওঁ এজন কণমানি যুৱক আছিল। খুব সম্ভৱ তেতিয়া তেওঁৰ বয়স আছিল ১৭ ৰ পৰা ১৮ বছৰ। তেতিয়া তেওঁ ১৯ অনুৰ্ধ্বৰ দলৰ পৰা ইণ্ডিয়া টীমলৈ আহিছিলহে। ৰোহিতক দেখি তেতিয়াই ব্যতিক্ৰম বুলি ধাৰণা হৈছিল। ১৫ বছৰে মই ৰোহিতৰ সৈতে একেলগে খেলপথাৰত আছো। তেওঁৰ প্ৰতিভা সঁচাকৈয়ে বিশেষ।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
