গোৱাৰ মুখ্যমন্ত্ৰীৰ বোৱৰী হৈ কেৰিয়াৰ শেষ হৈছিল অভিনেত্ৰীৰ, বিয়াৰ ১১ মাহতে হৈছিল বিধৱা, এতিয়া পৰিচয় অন্য ধৰণেহে
এগৰাকী দুৰ্ভগীয়া অভিনেত্ৰী। ভাৰতীয় চিনেমাৰ অতিকে সুন্দৰী এইগৰাকী অভিনেত্ৰীয়ে ৰাজনীতি পৰিয়ালৰ বোৱাৰী হৈয়ে শেষ কৰি পেলাইছিল অভিনয় কেৰিয়াৰ। পাছে অভিনেত্ৰীগৰাকীৰ বৈবাহিক জীৱনৰ আৰম্ভণিৰে আছে এটি অতিকে দুখজনক ঘটনা। অভিনেত্ৰীগৰাকীৰ বিয়াৰ মাত্ৰ ১১ দিন পাৰ হৈ যোৱাৰ সময়তে তেওঁৰ স্বামীৰ অসাৱধানতঃ গুলী লাগিছিল।
যেনেকৈ শেহতীয়াকৈ গোবিন্দৰ ভৰিত গুলী লগাৰ খবৰ আহিছিল। তেনেদৰেই অভিনেত্ৰীগৰাকীৰ স্বামীয়ে বন্দুক চাফা কৰি থকা অৱস্থাত হঠাৎ গুলী ফুটি যায় আৰু স্বামী গুলিবিদ্ধ হয়।
গোবিন্দাৰ ক্ষেত্ৰত ২ দিনৰ ভিতৰতে চিকিৎসালয়ৰ পৰা মুকলি কৰি দিয়া হয় যদিও অভিনেত্ৰী গৰাকীৰ স্বামীয়ে ১১ মাহ ধৰি চিকিৎসাধীন হৈ থাকিবলগা হয়। কিন্তু তথাপি সুস্থ হৈ উঠিব নোৱাৰে আৰু অৱশেষত মৃত্যুবৰণ কৰে। বিয়াৰ মাথো ১১ মাহ পাছতেই বিধৱা হয় অভিনেত্ৰীগৰাকী।
সেই দুৰ্ভগীয়া অভিনেত্ৰী গৰাকী হৈছে- লীনা চণ্ডৱকাৰ। লীনাই সৌন্দৰ্য্যৰ ক্ষেত্ৰত বহু নামী-দামী অভিনেত্ৰীৰ সৈতে প্ৰতিযোগিতাত অৱতীৰ্ণ হৈছিল।
১৯৬৮ চনত বলীউডৰ ছবি ‘মান কা মিট’ৰ জৰিয়তে এই উদ্যোগত প্ৰৱেশ কৰে লীনা চণ্ডৱকাৰে। ছবিখনত বিনোদ খান্নাই মুখ্য চৰিত্ৰত অভিনয় কৰিছিল আৰু ইয়াৰ প্ৰযোজক আছিল সুনীল দত্ত। সেই ছবিৰ সফলতাৰ পাছত আৰু কোনোদিনে পিছলৈ উভতি চাব লগা নহৈছিল লীনাৰ বাবে।
১৯৮৪ চনত লীনা চণ্ডৱকাৰে সিদ্ধাৰ্থ বন্দোদকাৰৰ সৈতে বিবাহপাশত আবদ্ধ হয়। বিয়াৰ সময়ত লীনাৰ বয়স আছিল মাথো ২৪ বছৰ। সিদ্ধাৰ্থ ৰাজনৈতিক দলৰ পৰিয়ালৰ আছিল। তেওঁৰ পিতৃ দয়ানন্দ বান্দৰকাৰ আছিল গোৱাৰ প্ৰথমগৰাকী মুখ্যমন্ত্ৰী।
বিয়াৰ বাবেই লীনাই হাতত থকা বহু ছবি এৰি থৈ যায়। চিনেমাৰ পৰা নিজকে আঁতৰাই ৰাখে। কিন্তু স্বামীৰ সৈতে সংঘটিত হোনা ঘটনাই সকলো ওলট পালট কৰি থৈ দিয়ে।
সিদ্ধাৰ্থ বন্দোদকাৰৰ চিকিৎসা ১১ মাহ ধৰি চলি থাকিল, তথাপিও তেওঁ জীয়াই থাকিব নোৱাৰিলে। ২৫ বছৰ বয়সতে বিধৱা হৈছিল লীনা চণ্ডৱকাৰ। বহুতে স্বামীৰ মৃত্যুৰ বাবে লীনাকে জগৰীয়া কৰিছিল। পৰিয়ালৰ লোকেও একেদৰে ঠাট্টা-মস্কৰা কৰিছিল লীনাক। অশুভ বুলি মানিছিল লীনাক।
মানসিক ভাৱে ভাগি পৰি শেষত লীনা চণ্ডৱকাৰে পুনৰ ছবিৰ ফালে মুখ কৰিলে। দিলীপ কুমাৰ অভিনীত ছবি ‘বৈৰাগ’ৰ সৈতে তেওঁ কামবেক কৰে। ইয়াৰ পিছত কিশোৰ কুমাৰৰ সৈতে প্যাৰ অজনবীত কাম কৰে। সেই ছবিত কাম কৰোতেই প্ৰেমত পৰি কিশোৰ কুমাৰৰ সৈতে বিবাহ পাশত আৱদ্ধ হয় লীনা। কিশোৰ লীনাতকৈ ২০ বছৰ ডাঙৰ আছিল আৰু লীনা তেওঁৰ চতুৰ্থ পত্নী হৈছিল।
কিন্তু সেইবাৰো লীনাৰ ভাগ্য বৰ ভাল নাছিল। সংসাৰলৈ সন্তান এটি অহাৰ পাছতে বিশিষ্ঠ সংগীত শিল্পী কিশোৰ কুমাৰৰ মৃত্যু হয়। আৰু সন্তানৰ সৈতে অকলশৰীয়া হৈ পৰে লীনা। তাৰ পাছৰে পৰা লীনা চণ্ডৱকাৰ পৰিচয় এগৰাকী অভিনেত্ৰীতকৈ কিশোৰ কুমাৰৰ পত্নী হিচাপে অধিক হয়। আৰু তেনেদৰেই থাকি যায় লীনা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
