কাইলৈ এই সময়ত বন্ধ থাকিব SBIৰ সকলো ডিজিটেল পৰিসেৱা, ধনৰ লেনদেন থাকিলে আগতীয়াকৈয়ে কৰি থওক, এই সময়ত নহ’ব লেনদেন

ষ্টেট বেংক অফ ইণ্ডিয়াই শুকুৰবাৰে জনাইছে যে নিৰ্ধাৰিত ৰক্ষণাবেক্ষণৰ কামৰ বাবে ১১ অক্টোবৰৰ মাজনিশাৰ পাছত কেইবাটাও ডিজিটেল পৰিসেৱা কিছু সময়ৰ বাবে বন্ধ হৈ পৰিব৷ ইয়াৰ ফলত এছ বি আইৰ ইউ পি আই পৰিসেৱা এক ঘণ্টা ধৰি অচল হৈ থাকিব৷ বেংকৰ এই বিজ্ঞাপ্তি অনুসৰি নিশা যিসকলে দেৰীকৈ অনলাইন লেনদেন কৰিব খোজে তেন্তে সাময়িক অসুবিধা তেওঁলোকে পাব পাৰে৷ সেয়ে আগতীয়াকৈয়ে গ্ৰাহকক বিকল্প ব্যৱস্থা গ্ৰহণ কৰিবলৈ অনুৰোধ জনোৱা হৈছে৷

কি কি পৰিসেৱা বন্ধ থাকিব?

এছ বি আইয়ে জনাইছে যে নিৰ্ধাৰিত সময়ত SBI UPI, IMPS, YONO, Internet Banking, NEFT আৰু RTGS এই পৰিসেৱাসমূহ বন্ধ থাকিব৷ অৰ্থাৎ মোবাইল বা অনলাইন বেংকিঙৰ মাধ্যমেৰে কোনো ধৰণৰ লেনদেন কৰিব নোৱাৰিব৷

SBIৰ বিজ্ঞাপ্তি অনুসৰি ১১ অক্টোবৰৰ নিশা ১ বাজি ১০ মিনিটৰ পৰা ২ বাজি ১০ মিনিট পৰ্যন্ত এই ৰক্ষণাবেক্ষণ কাৰ্যক্ৰম চলিব৷ অৰ্থাৎ মুঠ এঘণ্টা বেংকৰ এই ডিজিটেল পৰিসেৱাসমূহ অনুপলব্ধ থাকিব৷ নিশা ২ বাজি ১০ মিনিটৰ পাছত আকৌ পৰিসেৱাসমূহ স্বাভাৱিক হৈ যাব বুলি জনাইছে বেংক কৰ্তৃপক্ষই৷

SBIৰ গ্ৰাহকসকলক পৰামৰ্শ দিয়া হৈছে যে এই সময়ৰ ভিতৰত জৰুৰী লেনদেন কৰাৰ পৰিকল্পনা থাকিলে বিকল্প ব্যৱস্থা গ্ৰহণ কৰক৷

• UPI Lite পৰিসেৱা এই সময়ত চলি থাকিব, সেয়া ব্যৱহাৰ কৰিব পাৰে৷
• ATM পৰিসেৱা ব্যৱহাৰ কৰি নগদ অৰ্থ তুলিব পাৰে বা স্থানান্তৰ কৰিব পাৰে৷
• জৰুৰী প্ৰয়োজনত অন্য বেংকৰ একাউণ্ট ব্যৱহাৰ কৰিব পাৰে৷
• নগদ অৰ্থ লগত ৰখাৰো পৰামৰ্শ দিয়া হৈছে, যাতে হঠাৎ প্ৰয়োজন হলে কোনো অসুবিধাই দেখা নিদিয়ে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ