পৃথিৱীৰ একমাত্ৰ উপগ্ৰহ চন্দ্ৰক লৈ বিজ্ঞানীৰ কৌতূহলৰ অন্ত নাই৷ নিয়মিত পৰ্যবেক্ষণ আৰু অভিযানৰ মাধ্যমেৰে আমাৰ নীল গ্ৰহৰ একমাত্ৰ উপগ্ৰহৰ খুটি নাটি পৰীক্ষা কৰি আছে গৱেষকে৷ এইবাৰ ইটালীৰ এদল বিজ্ঞানীয়ে দাবী কৰিছে যে, তেওঁলোকে চন্দ্ৰৰ মাটিত বিচাৰি পাইছে এটা বিশেষ গুহা৷ বিশেষ গুহাটোৰ অৱস্থান চন্দ্ৰৰ শান্তসাগৰৰ কাষত৷
১৯৬৯ চনত য’ত নীল আৰ্মষ্ট্ৰং যোৱা এপল ১১ য়ে লেণ্ডিং কৰিছিল তাৰপৰা ২৫০ মাইল দূৰত্বতেই এই গুহা অৱস্থিত৷ বিজ্ঞানীৰ ধাৰণা যে সুদূৰ অতীতত লাভা উদগীৰণৰ ফলতেই এই গুহাৰ সৃষ্টি হৈছিল৷ সেই গুহাটো ১৩০ ফুট বহল আৰু দৈৰ্ঘ্য প্ৰায় ১০ গজ বা তাতকৈয়ো বেছি৷ ইটালিৰ ট্ৰেন্টো বিশ্ববিদ্যালয়ৰ যি গৱেষক দলে সেই গুহা বিচাৰি পাইছে৷ এই বিশেষ দলটোৰ প্ৰতিনিধি লিয়নাৰ্দো কেৰিয়াৰ আৰু লোৰেঞ্জ ব্ৰুজনে জনাইছে, ‘চন্দ্ৰৰ গুহা ৫০ বছৰতকৈ বেছি সময় ধৰি ৰহস্য হৈয়েই ৰৈ গৈছে৷ সেই খবৰ আমি বিচাৰি ওলিয়ালো৷ তাৰপাছতেই আমিও বিস্মিত হৈ পৰিছো৷’
ইয়াৰোপৰি তেওঁলোকৰ দাবী যে, এইটো গুহাই নহয় আৰু অসংখ্য গুহা সেই এলেকাত আছে৷ আনকি চন্দ্ৰৰ দক্ষিণ মেৰুত সেই ধৰণৰ গুহাৰ অস্তিত্ব সম্পৰ্কে তেওঁলোক নিশ্চিত৷ NASAৰ Lunar Reconnaissance Orbiterৰ মাধ্যমেৰে ৰাডাৰৰ পৰিমাপ বিশ্লেষণ কৰিছে বিজ্ঞানীয়ে৷ আগন্তুক দিনত চন্দ্ৰত মানুহ পঠিওৱা আৰু সেই স্থানত কলোনি স্থাপনৰ সপোন আছে নাছাৰ৷ ধাৰণা কৰা হৈছে যে প্রাথমিকভাৱে এই ধৰণৰ গুহা নভোচৰসকলৰ আশ্ৰয়স্থলো হৈ পৰিব পাৰে৷ কিয়নো এই স্থানত মহাজাগতিক ৰশ্মি, সৌৰ তেজস্ক্ৰিয়তা আৰু সৰুসুৰা উল্কাৰ আঘাতৰ পৰা বাচিব পাৰিব৷ ভৱিষ্যতে পৃথিৱী মানুহৰ বসবাসৰ সম্পূৰ্ণ অযোগ্য হৈ উঠিলে চন্দ্ৰই হৈ উঠিব পাৰে বহু মানুহৰ বাসস্তান৷ এই উপগ্ৰহটোক ভালকৈ চিনিবলৈ নিয়মিত পৰ্যবেক্ষণ কৰিবলৈ আৰম্ভ কৰিছে বিজ্ঞানীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
