ব্ৰিটেইনত ৰাণী দ্বিতীয় এলিজাবেথৰ মৃত্যুৰ পিছত তেওঁৰ জীৱন প্ৰণালীৰ বিষয়ে জানিবলৈ বহুজনেই আগ্ৰহী হৈ উঠিছে। এলিজাবেথৰ জীৱনৰ বহু ৰঙীন অধ্যায়ৰ মাজতে এখন বিশেষ চিঠিৰ কথাও এতিয়া চৰ্চালৈ আহিছে।
ছিডনীৰ এক বিশেষ স্থানত তলাবন্ধ কৰি ৰখা হৈছে ব্ৰিটেইনৰ সদ্য প্ৰয়াত ৰাণী দ্বিতীয় এলিজাবেথৰ এখন চিঠি। যিখন চিঠিৰ কথা চৰ্চা হৈছে সেই চিঠি কিন্তু আগন্তুক প্ৰায় ৬৩ বছৰলৈ কোনোৱে পঢ়িব নোৱাৰিব। ৰাণীয়ে কেতিয়া লিখিছিল এই বিশেষ চিঠিখন?
অষ্ট্ৰেলিয়াৰ এক সংবাদমাধ্যমে প্ৰকাশ কৰা অনুসৰি এই বিশেষ চিঠিখন লিখা হৈছিল ১৯৮৬ চনৰ নৱেম্বৰ মাহত। ছিডনীৰ সাধাৰণ লোকসকলক উদ্দেশ্যিয়েই এই চিঠি লিখিছিল প্ৰাক্তন ৰাণী এলিজাবেথে।
লগতে পঢ়ক টাটাৰ যাদু! টাটাই লোৱাৰ লগে লগে ভাগ্য সলনি এয়াৰ ইণ্ডিয়াৰ! ৩০ খন নতুন বিমান হ’ব অন্তৰ্ভুক্ত!
ৰাণী দ্বিতীয় এলিজাবেথৰ বাহিৰে এই চিঠিখনত কি লিখা আছে কোনেও নাজানে। আনকি ৰাণীৰ খুবেই কাষৰ ব্যক্তিসকলেও এই সন্দৰ্ভত কোনো কথাই নাজানে। নিৰাপদ স্থানত ৰাণীয়ে এই বিশেষ চিঠিখন লুকুৱাই ৰখাৰ কথাও ৰাণীৰ মৃত্যুৰ পিছতহে পোহৰলৈ আহিছে।
ৰাণীৰ এই বিশেষ চিঠিখন ৰখা কাঁচৰ বক্সটো ২০৮৫ চনতহে খুলিব পৰা যাব বুলিও ছিডনীৰ এটা বিশেষ অনুসন্ধানকাৰী সংস্থাই প্ৰকাশ কৰিছে। ২০৮৫ চনৰ পূৰ্বে এই চিঠি খুলিব নোৱাৰাৰ কাৰণ ছিডনীৰ লৰ্ড মেয়ৰ ক্লোভাৰে প্ৰকাশ কৰিছে।
ক্লোভাৰে প্ৰকাশ কৰা অনুসৰি, এই চিঠি লিখাৰ সময়ত ৰাণীয়ে নিৰ্দেশ দিছিল যে ২০৮৫ চনত প্ৰশাসনে ঠিক কৰা কোনো এক নিৰ্দিষ্ট দিনত এই চিঠিখন খুলিব পাৰিব। চিঠিখন খোলাৰ লগে লগেই চিঠিখনত দিয়া সেই বিশেষ বাৰ্তা ছিডনীৰ জনসাধাৰণৰ উদ্দেশ্যে প্ৰেৰণ কৰিব লাগিব।
লগতে পঢ়ক ভক্ষক আৰক্ষী পৰিদৰ্শকক গ্ৰেপ্তাৰ! মহিলা আৰক্ষীক ধৰ্ষণ কৰি পলাতক হৈ আছিল বিষয়াগৰাকী
ছিডনীবাসীলৈ বিশেষ বাৰ্তা থকা বিশেষ চিঠিখনত ৰাণীয়ে নিজহাতে স্বাক্ষৰো কৰিছিল। আনহাতে ছিডনীয়েই নহয় সমগ্ৰ অষ্ট্ৰেলিয়ালৈ আছিল ৰাণীৰ বিশেষ দুৰ্বলতা যাৰ বাবে ৬ বাৰকৈ ৰাণীয়ে অষ্ট্ৰেলিয়া ভ্ৰমণ কৰিছিল। ৰাণী এলিজাবেথৰ মৃত্যুৰ পিছতেই তেওঁৰ প্ৰতি শ্ৰদ্ধা জনাই ছিডনীৰ প্ৰসিদ্ধ অপেৰা হাউছত বিশেষ শ্ৰদ্ধাঞ্জলি অনুষ্ঠানৰ আয়োজন কৰা হয়।
ৰাণীৰ মৃত্যুৰ পিছতেই তেওঁৰ পূত্ৰ তৃতীয় চাৰ্লছ ৰজাৰ সিংহাসনত অধিষ্ঠিত হৈছে। ৰাণীৰ দৰেই চাৰ্লছেও সুচাৰুৰূপে শাসনভাৰ চলাব পাৰিব বুলি আশাবাদী এতিয়া ব্ৰিটেইনবাসীও।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ