নব্বৈ দশকত অসম বিভক্ত কৰি পৃথক ৰাজ্য দাবীৰে বড়ো জনগোষ্ঠীয়ে কেৱল অসমৰ ৰাজনীতিতে নহয় দেশৰ ৰাজনীতিটো তুমুল ধুমুহাৰ সৃষ্টি কৰিছিল৷ প্ৰথমাৱস্থাত অসমক বিভক্ত কৰি উদয়াচল গঠনৰ দাবীয়ে বড়োসকলে ৰাজ্যৰ লগতে দেশৰ ৰাজনীতি উত্তাল কৰি ৰাখিছিল৷
নতুন বড়ো ৰাজ্যৰ উদয়াচলৰ দাবীক একাষৰীয়া কৰি পাছলৈ দক্ষিণ অসম আৰু উত্তৰ অসমত উলম্বভাৱে বিভক্ত কৰি পৃথক ৰাজ্য বড়োলেণ্ড গঠনৰ দাবী উত্থাপন কৰে বড়োসকলে৷ বড়োসকলে পৃথক বড়োলেণ্ড লাভ নকৰালৈকে ক্ষান্ত নহয় বুলি দিল্লীক জনাই দিছিল৷
পৃথক বড়োলেণ্ড দাবীৰে প্ৰেম সিং ব্ৰহ্ম আৰু হাগ্ৰামা মহিলাৰী আদিৰ নেতৃত্বত গঠন হৈছিল বড়োলেণ্ড লিৰ্বাৰেচন টাইগাৰ্ছ ফ’ৰ্ছ, যাক চমুকৈ বিএলটি বুলি কোৱা হৈছিল৷ সংগঠনটোৱে ডিভাইড আছাম ৫০-৫০ দাবীৰে সশস্ত্ৰ পন্থাৰে পৃথক বড়োলেণ্ড গঠনৰ বাবে সংগ্ৰাম কৰিলেও এটা সময়ত বড়োলেণ্ড টেৰিটৰিয়েল কাউন্সিলত গঠন কৰি সেই দাবী পৰিহাৰ কৰে৷
লগতে পঢ়ক শিক্ষক-শিক্ষয়িত্ৰীসকল সাৱাধান হওক! ছাত্ৰ-ছাত্ৰীক বেত্ৰাঘাত কৰি গ্ৰেপ্তাৰ হ’ল শিক্ষক
ইয়াৰ পাছতো ছেগা-চোৰোকাকৈ পৃথক বড়োলেণ্ডৰ দাবী উত্থাপন হ’লেও ব্যাপক ৰূপত আন্দোলন আদি হোৱা নাছিল৷ তথাপিও একাংশ বড়ো নেতাই এতিয়াও পৃথক বড়োলেণ্ডৰ সপক্ষে মাজে মধ্যে মাত মাতি আহিছে৷
ইয়াৰ মাজতে এতিয়া হঠাতে এক নৱগঠিত বড়ো সংগঠনে পৃথক বড়োলেণ্ডৰ বিপৰীতে অসম আৰু পশ্চিমবংগক বিভাজন কৰি নতুন এখন ৰাজ্য গঠনৰ দাবী উত্থাপন কৰিছে৷
মংগলবাৰে বড়োলেণ্ডৰ মুখ্য সদৰ কোকৰঝাৰত ‘দুৱাৰঞ্চল জন পৰিসংঘম’ চুমকৈ ‘ডিজেপি’ নামৰ এটা সংগঠন ভূমিষ্ঠ হৈ পশ্চিমবংগৰ টিষ্টাৰ পৰা অসমৰ শদিয়ালৈকে মুঠ ১৮ টা ‘দুৱাৰ অঞ্চল’ক সাঙুৰি ‘দুৱাৰঞ্চল ৰাজ্য’ গঠনৰ দাবী উত্থাপন কৰিছে৷
পাৰ্মিনাচ্ নাৰ্জাৰীৰ নেতৃত্বত জন্মলাভ কৰা নতুন সংগঠনে দাবী কৰা পৃথক ৰাজ্যত অন্তৰ্ভুক্ত হ’ব পশ্চিম বংগৰ কিছু অংশ আৰু বৰ্তমানৰ বিটিআৰৰ সম্পুৰ্ণ অঞ্চল।
লগতে পঢ়ক বীৰ ছহিদক অপমান! ছহিদলৈ কুৰিয়াৰে ‘শৌৰ্য চক্ৰ’ প্ৰেৰণ, ছহিদৰ পৰিয়ালে দিলে ওভতাই
সংগঠনটোৱে দাবী কৰিছে যে জংগী আন্দোলনেৰে নহয় গান্ধীবাদী নীতিৰে গণতান্ত্ৰিক আন্দোলন কৰি পৃথক দুৱাৰঞ্চল ৰাজ্য দাবী কৰি যাব। বিটিআৰ শান্তি চুক্তি স্বাক্ষৰ কৰা পিছতো এনেধৰণৰ নতুনকৈ সংগঠন জন্মলাভ কৰাটো বড়োলেণ্ডত পুনৰ চৰ্চাৰ বিষয় হৈ পৰিছে ।
ভাৰত দেশত কোনো জাতিকলৈ পৃথক ৰাজ্য গঠন কৰা অসম্ভৱ বুলিও প্ৰকাশ কৰি বড়োলেণ্ড ৰাজ্য দাবী যুক্তিহীন বুলি মন্তব্য কৰে পাৰ্মিনাচ নাৰ্জাৰীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ