অসম লাইভ২৪ঃ ইংলেণ্ডৰ ফুটবল তাৰকা ডেভিড বেকহামৰ ভাৰত ভ্ৰমণক লৈ বলীউড তাৰকাসকলৰ উন্মাদনাৰ অন্ত নাই। বেকহাম ইউনিছেফৰ প্ৰচাৰক হৈ ভাৰতলৈ আহিছে। গুজৰাটত ইউনিছেফৰ কামৰ বাবে মুম্বাইত ভৰি দিছে বেকহেমে। সেই দিনাই ভাৰত বনাম নিউজিলেণ্ডৰ মেচো উপভোগ কৰিছে বেকহেমে। ৱানখেড়ে ষ্টেডিয়ামত বহি মেচ উপভোগ কৰাৰ পাচতেই বলীউডৰ নৈশ পাৰ্টীত ভাগ লৈছে বেকহামে।
মুম্বাইত নিজৰ ঘৰত ফুটবল তাৰকা বেকহামৰ বাবেই পাৰ্টীৰ আয়োজন কৰিছে বলীউড অভিনেত্ৰী চনম কাপূৰ আৰু উদ্যোগী স্বামী আনন্দ আহুজাই। পাৰ্টীত ভীৰ কৰিছিল বলীউডৰ একাধিক তাৰকাই। সেই তালিকাত আছিল অৰ্জূন কাপূৰ, মালাইকা আৰোৰা, কৰিশ্মা কাপূৰৰ দৰে তাৰকাই। পাৰ্টী আৰম্ভ হোৱাৰ পূৰ্বে তেঁওলোকৰ ঘৰলৈ বেকহামক স্বাগত জনাই আনন্দ আহুজা আৰু চনম কাপূৰে। কেৱল আনন্দৰ ঘৰতেই নহয়, মুম্বাইত কেইবাজনো তাৰকাৰ ঘৰলৈ তেওঁক নিমন্ত্ৰণো জনোৱা হৈছে। চনম কাপূৰৰ ঘৰত পাৰ্টী কৰাৰ পাছত মুম্বাইৰ মন্নতত দেখা গৈছে বেকহামক। শুকুৰবাৰে অৰ্থাৎ আজি বেকহাম উভতিছে।
বেকহামে উভতি যোৱাৰ পূৰ্বে বৃহস্পতিবাৰে নিশা মন্নতত সোমাই ফুটবল তাৰকা বেকহাম। শ্বাহৰুখ খানে পৃথকে নিজৰ ঘৰলৈ আমন্ত্ৰণ জনাই বেকহামক। ফুটবল তাৰকাৰ বাবে ঘৰত বিশেষ পাৰ্টীৰ বন্দোবস্ত কৰিছে বাদশ্বাহে। বাদশ্বাহে আয়োজন কৰা পাৰ্টীত কোন কোন অতিথি উপস্থিত হৈছিল সেই কথা অৱশ্যে কোনেও নাজানে। চনম-আনন্দৰ ঘৰৰ পাৰ্টীৰ ভিজুৱেল কিন্তু সমগ্ৰতে ভাইৰেল হৈ পৰিছে। ফুটবল তাৰকাৰ সৈতে পানীয়ৰ গ্লাছ হাতত লোৱাৰ ওপৰিও বিভিন্ন চেলিব্ৰিটিৰ সৈতে ফটোও তুলিছে বেকহামে। ইয়াৰোপৰি মুম্বাইস্থিত অফিচত ছাৰা আলী খানৰ সৈতে দেখা গৈছে ফুটবল তাৰকা বেকহামক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
