অসম লাইভ২৪ঃ ছানিয়া-ছোৱেইবৰ বিবাহ বিচ্ছেদৰ খবৰে তোলপাৰ লগাই থকাৰ মাজতেই আজি ছানিয়া মিৰ্জাৰ ওপজা দিন। ওপজা দিনটোত ছানিয়াক স্বামী ছোৱেইবে শুভেচ্ছা দিলেনে তাকে জানিবলৈ উদ্বাউল হৈ আছে অনুৰাগী। চৰ্চাৰ মাজতে বহুতেই দাবী কৰি আহিছে ছানিয়া-ছোৱেইবৰ বিবাহ বিচ্ছেদ ইতিমধ্যে ঘটিছে। কিন্তু এই উৰাবাতৰিক লৈ দুয়োৱে মুখ খুলা নাই। কিন্তু চৰ্চাবোৰ চলি থকাৰ মাজতেই ছানিয়াৰ স্বামী ছোৱেইবে ছানিয়াক জনাইছে ওপজা দিনৰ শুভেচ্ছা। টুইটযোগে স্বামীয়ে শুভেচ্ছা জনাই লিখিছে, ‘তোমাৰ জীৱনটো সুখৰ হওক।’
আজি ছানিয়াৰ ৩৬ সংখ্যক ওপজা দিন। ভাৰতীয় টেনিছ তাৰকাগৰাকীক টুইটাৰযোগে শুভেচ্ছা জনাইছে স্বামী ছোৱেইবে। পাক ক্ৰিকেটাৰগৰাকীয়ে শুভেচ্ছা জনাই লিখিছে, ‘ছানিয়া তোমাৰ আজি শুভ জন্মদিন। এই ওপজা দিনৰ প্ৰাকক্ষণত তোমালৈ মোকো অলেখ শুভকামনা। তোমাৰ জীৱন সুখময় হওক। জীৱনটোক উদযাপন কৰি যোৱা।’ মাত্ৰ তিনি লাইন টুইট কৰিয়েই স্বামী ছোৱেইবে শুভেচ্ছা জনালে তেওঁৰ পত্নী ছানিয়াক।
সঁচাকৈ বিচ্ছেদ হৈছে নেকি ছানিয়া-ছোৱেইবৰ?
সঁচাকৈয়ে দুয়োৰে মাজৰ সম্পৰ্ক স্বাভাৱিক নে? কোনো সমস্যা নাই বাবেই এনেদৰে শুভেচ্ছা জনালে নেকি স্বামীয়ে? এনে বহু প্ৰশ্ন এতিয়া নেটিজেনে কৰিছে। বিচ্ছেদৰ উৰাবাতৰি চলি থাকোতেই ছানিয়া-ছোৱেইবে একেলগে এটা বিশেষ শ্ব’ত চুক্তিবদ্ধও। ‘উৰ্দুফ্লিক্স’ নামৰ এটা অটিটি প্লেটফৰ্মত এই শ্ব আহি থকাৰ কথা ঘোষণা কৰিছিল ছানিয়া-ছোৱেইবৰ ঘনিষ্ট একাংশই। অনুষ্ঠানটোৰ নামো ঘোষণা কৰিছিল অটিটি প্লেটফৰ্মত। নাম দিছিল, ‘দ্যা মিৰ্জা মালিক শ্ব’। সূত্ৰমতে এই শ্বটোৰ বাবেই দুয়োৱে বিচ্ছেদৰ কথা ৰাজহুৱা কৰা নাই। কাৰণ দুয়ো শ্বটোৰ বাবে চুক্তিবদ্ধ। ইফালে ছানিয়া-ছোৱেইবৰ ঘনিষ্ট এগৰাকী ব্যক্তিয়ে প্ৰকাশ কৰা মতে দুয়োৰে বিচ্ছেদ ইতিমধ্যেই হৈছে। দুয়ো পৃথকেই থাকে। শেষত মঙলবাৰে ছোৱেইবৰ পষ্টটো দেখা মাত্ৰকেই নেটিজেনে কৈছে দুয়ো পৃথক হৈছে এই কথা পষ্টটোৱেই প্ৰমাণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
