সিদ্ধাৰ্থ-কিয়াৰাৰ বিবাহৰ বাবে তৈয়াৰ কৰা হৈছে এশৰো অধিক পোছাক৷ কোনে ডিজাইন কৰা পোছাক পিন্ধিব সিদ্ধাৰ্থ-কিয়াৰাই?

অসম লাইভ২৪ঃ সকলোৰে দৃষ্টি এতিয়া কিয়াৰা-সিদ্ধাৰ্থৰ বিবাহ অনুষ্ঠানলৈ৷ সূৰ্যগড় প্ৰাসাদত বিবাহৰ অনুষ্ঠান সম্পন্ন হ’ব সিদ-কিয়াৰাৰ৷ ঘনিষ্ঠ বন্ধু-বান্ধৱীৰ লগতে পৰিয়ালৰ সদস্যৰ উপস্থিতিত বিবাহৰ অনুষ্ঠান সম্পন্ন হ’ব কিয়াৰা-সিদৰ৷

অতিথিসকলেও এই বিবাহ অনুষ্ঠানত মানি চলিব লাগিব কিছু নিৰ্দেশনা৷ এই অনুষ্ঠানত উপস্থিত থকাসকলে মোবাইল কেমেৰাৰে তুলিব নোৱাৰিব ফটো৷ কোনো সাংবাদিকেও এই অনুষ্ঠানৰ ভিতৰত প্ৰৱেশ কৰিব নোৱাৰিব৷ সুৰ্যগড় প্ৰাসাদত ভিতৰত থাকিব কিছু বিলাসী সা-সুবিধাও৷ অনুষ্ঠানত অতিথি হিচাপে উপস্থিত থকাসকলেও লাভ কৰিব এই সুবিধা৷

ঘনিষ্ঠ সূত্ৰই জনোৱা অনুসৰি বিবাহ অনুষ্ঠানত পৰিধান কৰিবৰ বাবেও বনোৱা হৈছে ১৫০যোৰ পোছাক৷ বিয়াৰ অনুষ্ঠান ইতিমধ্যে আৰম্ভ হৈছে৷ ৪ জানুৱাৰীৰ পৰা আৰম্ভ হোৱা অনুষ্ঠানত দেওবাৰে হালধি ঘঁহা অনুষ্ঠান৷ বিয়াখন পাঞ্জাৱী নিয়ম মানিয়েই হ’ব বুলি জনাইছে সূত্ৰটোৱে৷ প্ৰত্যেকটো অনুষ্ঠানৰ বাবেই আছে ভিন্ন পোছাক৷ মনীষ মলহোত্ৰাৰ ডিজাইনৰেই হ’ব সকলো পোছাক বুলিও জানিব পৰা গৈছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ