২০২২ চনৰ ৩১ মে’ত পৃথিৱীৰ পৰা বিদায় লয় বলীউডৰ বিখ্যাত কণ্ঠশিল্পী কে কে। সেইদিনা কলকাতাৰ নজৰুল মঞ্চত তেওঁ এটি পৰিবেশন কৰি আছিল। মঞ্চত গান গাই থাকোতে তেওঁ অসুস্থ হ’বলৈ ধৰিলে। তাৰ পৰা লগে লগে তেওঁক হোটেল ল যোৱা হয়। কোৱা হৈছে যে লাইভ শ্ব’টোৰ পিছতে কে কে অচেতন হৈ পৰিছিল। কে কেৰ মৃত্যুৰ পিছত নাজৰুল মঞ্চত অনুষ্ঠিত কনচাৰ্টক লৈ বহু প্ৰশ্ন উত্থাপন হৈছে।
ভাইৰেল হোৱা ভিডিঅ’ত এ চি কাম কৰা নাই বুলি বাৰে বাৰে ঘাম মচি কে কেই অভিযোগ কৰা দেখা গৈছিল৷
লগতে পঢ়ক যোগাসনত কি কৰিব আৰু কি নকৰিব? জানিবলৈ চাওক…
এতিয়া গায়ক-সুৰকাৰ অৰ্জুন কানুংগোৱে উক্ত প্ৰেক্ষাগৃহটোৰ বিষয়ে অতি চাঞ্চল্যকৰ মন্তব্য কৰিছে৷
অৰ্জুনে কয় যে তেৱোঁ এবাৰ সেই অ’ডিটৰিয়ামত অনুষ্ঠান পৰিৱেশন কৰিছিল আৰু তেওঁৰো একেই অনুভৱ হৈছিল। অৰ্জুনেও উশাহ ল’ব পৰা নাছিল। তাত বৰ গৰম আছিল আৰু এ চি কাম কৰা নাছিল। অৰ্জুনে ক’লে যে সেই পুৰণি প্ৰেক্ষাগৃহটো সঠিকভাৱে ৰক্ষণাবেক্ষণ কৰা হোৱা নাই।
লগতে পঢ়ক পিৰিয়ডৰ সময়ত পেড ব্যৱহাৰ কৰি চৰ্মৰোগ হৈছে নেকি? ঘৰুৱা উপায়েৰে তৎক্ষণাত সকাহ পাওক
‘‘শুনিছিলো যে প্ৰেক্ষাগৃহটো বৰ গৰম আছিল। মই আগতেও সেই অডিটৰিয়ামটোত শ্ব’ কৰিছো আৰু মোৰো একে অভিজ্ঞতা হৈছিল৷ উশাহ ল’ব পৰা নাছিলো। তাত বৰ গৰম আছিল। ইমান গৰম আছিল যে এচিটোৱে কাম কৰা নাছিল। এই পুৰণি প্ৰেক্ষাগৃহবোৰ সঠিকভাৱে ৰক্ষণাবেক্ষণ কৰা হোৱা নাই।’’ অৰ্জুনে কয়৷
অৰ্জুনে লগতে আৰু কয় ‘‘তাত বহুতো সমস্যাৰ সৃষ্টি হৈছে। প্ৰেক্ষাগৃহটো ভাল হ’ব লাগিছিল। এই বিষয়ে তেওঁলোক (মেনেজমেণ্ট) জানিছিল নে নাই নাজানো। তেওঁ যদি জানিছিল, তেন্তে তেওঁ শ্ব’টো বন্ধ কৰি দিব লাগিছিল।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
