এয়াৰ ইণ্ডিয়াই কিছুদিন পূৰ্বে কৰ্মচাৰীসকলৰ বাবে গ্ৰুপ বীমাৰ আৰম্ভ কৰিছিল৷ ইয়াৰ পিছত এইবাৰ টাটা গ্ৰুপে বিমান সংস্থাটোৰ পাইলটসকলক বাম্পাৰ অফাৰ দিছে।
টাটাই এয়াৰ ইণ্ডিয়াক ক্ৰয় কৰাৰ পিছৰে পৰা কৰ্মচাৰীসকলৰ স্বাৰ্থত এনে বহু ঘোষণা কৰা হৈছে। এতিয়া এয়াৰ ইণ্ডিয়াই অৱসৰৰ পিছত পুনৰ ৫ বছৰৰ বাবে পাইলট নিয়োগ কৰাৰ প্ৰস্তাৱ দিছে। অৰ্থাৎ টাটাই অৱসৰ সীমা বৃ্দ্ধি আৰু অৱসৰপ্ৰাপ্ত পাইলটসকলকো পুনৰ নিয়োগৰ বিবেচনা কৰিছে৷
লগতে পঢ়ক ‘বিবাহ পূৰ্ব যৌনতা প্ৰকৃত প্ৰেম নহয়, অত্যধিক যৌনতাই সম্পৰ্ক ধ্বংস কৰে!’ এই বিতৰ্কিত মন্তব্য কাৰ?
বিমান সংস্থাটোৰ পৰিচালনাত গতিশীলতা অনাৰ লক্ষ্যৰে টাটা গ্ৰুপে এই পদক্ষেপ গ্ৰহণ কৰিছে। বৰ্তমান কোম্পানীটোৰ ৩০০ খন বিমান ক্ৰয় কৰাৰ সন্দৰ্ভত আলোচনা চলি আছে। এনে অৱস্থাত পাইলটসকলক অৱসৰৰ পিছত পুনৰ কামৰ বাবে প্ৰস্তাৱটো অতি গুৰুত্বপূৰ্ণ। বিমান সংস্থাৰ ফালৰ পৰা অৱসৰ লোৱা পাইলটসকলক পুনৰ কমাণ্ডাৰ হিচাপে নিযুক্তিৰ বাবে বিবেচনা কৰা হৈছে।
ইয়াৰ উপৰিও এয়াৰ ইণ্ডিয়াই কৰ্মচাৰীসকলৰ বাবে স্বেচ্ছাসেৱী অৱসৰ আঁচনিও আৰম্ভ কৰিছে আৰু নতুন কৰ্মচাৰীকো নিযুক্তি দিয়া হৈছে। এয়াৰ ইণ্ডিয়াৰ ডেপুটি জেনেৰেল মেনেজাৰ বিকাশ গুপ্তাই এক আভ্যন্তৰীণ ই-মেইলযোগে লিখিছে, ‘‘আমি জনাবলৈ পাই সুখী হৈছো যে যিটো আগতেই হওক বা অৱসৰৰ পিছতেই হওক এয়াৰ ইণ্ডিয়াত কমাণ্ডাৰ হিচাপে ৫ বছৰৰ বাবে বা ৬৫ বছৰ বয়সলৈকে সেৱা আগবঢ়োৱাৰ বাবে আপোনালোকৰ চুক্তি বৃদ্ধি কৰাৰ চিন্তা চৰ্চা চলি আছে।’’
লগতে পঢ়ক বেংক একাউণ্টত বেলেঞ্চ শূণ্য নেকি! তথাপিও ১০ হাজাৰ টকা উলিয়াব পাৰিব! কিন্তু কেনেকৈ?
মেইলৰ জৰিয়তে আগ্ৰহী পাইলটসকলক লিখিত সন্মতি সাপেক্ষে তেওঁলোকৰ সবিশেষ তথ্য দিবলৈ কোৱা হৈছে। তিনি বছৰ পূৰ্বে অৱসৰ লোৱা পাইলটসকলকো এখন পত্ৰ জাৰি কৰা হৈছে। ইয়াৰ উপৰিও বিমান সংস্থাটোৱে স্বেচ্ছাসেৱী আঁচনি আৰম্ভ কৰাৰ লগতে কেবিন ক্ৰুকে ধৰি আন কৰ্মচাৰীসকলৰ বাবে নতুন নিযুক্তি আৰম্ভ কৰিছে।
এয়াৰ ইণ্ডিয়াত পাইলটৰ অৱসৰৰ বয়স ৫৮ বছৰ। শেষৰ দিনবোৰত বিমান সংস্থাটোৱে নিজৰ পাইলটসকলক চুক্তিবদ্ধ কৰি ৰাখিছিল যদিও ২০২০ চনৰ মাৰ্চ মাহৰ পিছত কোভিড মহামাৰীৰ বাবে সেয়া বন্ধ হৈ পৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
