কোন হয় ২৬ বছৰীয়া দুই যুৱক, যিয়ে শ্বেখ হাছিনাৰ শাসনভাৰ উফৰাই এতিয়া নতুন চৰকাৰৰ মন্ত্ৰী
বাংলাদেশত গঠন হৈছে এখন নতুন চৰকাৰ। বৃহস্পতিবাৰে নিশা নোবেল বিজয়ী ড০ মহম্মদ ইউনুছৰ নেতৃত্বত গঠন হয় এখন অন্তৱৰ্তীকালীন চৰকাৰ। দুজন ছাত্ৰ নেতাকে ধৰি তেওঁৰ দলৰ ১৭ জন সদস্যই শপত গ্ৰহণ কৰে। এম নাহিদ ইছলাম আৰু আছিফ মাহমুদ চাজিব ভূঞা সেই নাম যিয়ে ছাত্ৰ আন্দোলনত গুৰুত্বপূৰ্ণ ভূমিকা পালন কৰিছিল। দুয়োকে বাংলাদেশত সংঘটিত হোৱা অভ্যুত্থানৰ মূল চেহেৰা বুলিও গণ্য কৰা হয়।
দুয়োজনেই এতিয়া নতুন চৰকাৰৰ অংশও। যদিও মহম্মদ ইউনুছ সেনা সমৰ্থিত চৰকাৰৰ উপদেষ্টা হৈ পৰিছে, তথাপিও তাত প্ৰধানমন্ত্ৰী এতিয়াও নিৰ্বাচিত হোৱা নাই। কিন্তু তেওঁৰ মৰ্যাদা প্ৰধানমন্ত্ৰীৰ সৈতে একে। আনহাতে তেওঁৰ সহলকাৰ পৰিষদত অন্তৰ্ভুক্ত সদস্যসকলৰ মন্ত্ৰীৰ মৰ্যাদা আছে।
এম নাহিদ ইছলাম-
বিগত কেইবাদিনো ধৰি বাংলাদেশত সংৰক্ষণৰ বিৰুদ্ধে চলি থকা ছাত্ৰ আন্দোলনৰ মূল চেহেৰা নাহিদ ইছলাম। নাহিদ এজন বাংলাদেশী ছাত্ৰ কৰ্মী, তেওঁ বাংলাদেশৰ কোটা সংস্কাৰ আন্দোলনৰ অন্যতম মূল নেতা আছিল। ছাত্ৰ-ছাত্ৰীৰ এই আন্দোলন পাছলৈ অসহযোগ আন্দোলনলৈ পৰিণত হয়। এই আন্দোলনটোৱেই আছিল শ্বেখ হাছিনা চৰকাৰৰ পতনৰ কাৰণো। ঢাকা বিশ্ববিদ্যালয়ৰ ২০১৬-১৭ বৰ্ষৰ সমাজবিজ্ঞানৰ ছাত্ৰ। মানৱ অধিকাৰ কৰ্মী আৰু ছাত্ৰ সংগঠন ‘বৈষম্য বিৰোধী ছাত্ৰ’ৰ সমন্বয়ক।
আছিফ মেহমুদ
বাংলাদেশৰ অন্তৱৰ্তীকালীন চৰকাৰৰ অংশ হিচাপে থকা আছিফ মাহমুদ আছিল ছাত্ৰ আন্দোলনৰ আন এক ডাঙৰ মুখ। বৈষম্য বিৰোধী ছাত্ৰ আন্দোলনৰ অন্যতম প্ৰধান সমন্বয়ক আছিফ। কমিলাৰ পৰা অহা আছিফ ঢাকা বিশ্ববিদ্যালয়ৰ ২০১৭-১৮ বৰ্ষৰ ভাষা অধ্যয়নৰ ছাত্ৰ। জুন মাহত তেওঁ সংৰক্ষণৰ বিৰুদ্ধে দেশজোৰা ছাত্ৰ আন্দোলনত যোগদান কৰে।
বাংলাদেশৰ অন্তৱৰ্তীকালীন চৰকাৰৰ ১৭ জন সদস্য
ডাঃ মহম্মদ ইউনুছ
ডাঃ ছালেহুদ্দিন আহমেদ
ব্ৰিগেডিয়াৰ জেনেৰেল (অৱসৰপ্ৰাপ্ত) এম সাখাৱত হুছেইন
ড° এম ডি নাজৰুল ইছলাম (আছিফ নাজৰুল)
আদিলুৰ ৰহমান খান
এ এফ হাছান আৰিফ
মহম্মদ তৌহিদ হুছেইন
ছ্যেদা ৰিজৱানা হাছান
সুপ্ৰদীপ চাকমা
ফৰিদা আখতাৰ
বিধান ৰঞ্জন ৰায়
শৰ্মীন মুৰ্ছিদ
এ এফ এম খালিদ হুছেইন
ফাৰুক-ই-আজম
নূৰজাহান বেগম
নাহিদ ইছলাম
আছিফ মাহমুদ
বাংলাদেশৰ নৱগঠিত চৰকাৰৰ ১৭ গৰাকী সদস্যৰ। দুগৰাকী ছাত্ৰ নেতাৰ উপৰিও মহিলা অধিকাৰ কৰ্মী ফৰিদা আখতাৰ, সোঁপন্থী দল হিফাজাত-ই-ইছলামৰ উপ-মুখ্য এ এফ এম খালিদ হুছেইন, গ্ৰাম্য টেলিকম ট্ৰাষ্টী নূৰজাহান বেগম, স্বাধীনতা সংগ্ৰামী শৰ্মিন মুৰ্ছিদ, চট্টগং হিল ট্ৰেক্টছ ডেভেলপমেণ্ট ব’ৰ্ডৰ অধ্যক্ষ সুপ্ৰদীপ চাকমা, অধ্যাপক বিধান ৰঞ্জন ৰয় আৰু প্ৰাক্তন বৈদেশিক সচিব তৌহিদ হুছেইন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
