আমিৰ খানৰ ‘লাল সিং চাদ্দা’ ছবিখনৰ পিছতে নেটিনাগৰিকে বৰ্জনৰ আহ্বান জনাইছে আলিয়া ভাট্টৰ আগন্তুক ছবি ‘ডাৰ্লিংছ’। এতিয়া #BoycottAliaBhatt টুইটাৰত ট্ৰেণ্ডিঙত আছে।
কাইলৈ অৰ্থাৎ ৫ আগষ্টত নেটফ্লিক্সত মুক্তি পাব আলিয়াৰ ছবি ‘ডাৰ্লিংছ’। ছবিখন মুক্তি পোৱাৰ মাত্ৰ এদিনৰ আগতেই কিয় নেটনাগৰিকে ছ’চিয়েল মিডিয়াত প্ৰতিবাদ কৰি আছে।এতিয়া প্ৰশ্ন হ’ল কিয় #BoycottAliaBhatৰ ট্ৰেণ্ডিঙত আছে?
আলিয়া ভাটৰ ‘ডাৰ্লিংছ’ক বৰ্জন কৰাৰ দাবী কৰাৰ কাৰণ হৈছে যে ‘ডাৰ্লিংছ’ ছবিখনত পুৰুষৰ ওপৰত ঘৰুৱা হিংসাৰ প্ৰচাৰ কৰা হৈছে৷ বৰ্জনৰ আহ্বান জনোৱাসকলৰ মতে সেইটো ভুল। শেহতীয়াকৈ মুক্তি লাভ কৰা ছবিখনৰ ট্ৰেইলাৰত দেখা গৈছে যে আলিয়াই প্ৰতিশোধ ল’বলৈ গৈ স্বামীক হত্যা কৰে৷ তাৰ পিছত নেটিনাগৰিকসকলে ঘৰুৱা হিংসাৰ অভিযোগ কৰি ছবিখনৰ বৰ্জনৰ দাবী জনাইছে।
#BoycottAliaBhatt who is endorsing DV on Men.
Imagine if the genders were reversed! pic.twitter.com/OK4EDAe3pS
— Catachi (@itachi_senpai1) August 3, 2022
লগতে পঢ়ক আজি ট্ৰেকত নামিব স্বৰ্ণ কন্যা হিমা দাস, আপুনিও জনাওক শুভকামনা
ছবিখনৰ ট্ৰেইলাৰত দেখুওৱা হৈছে যে আলিয়াই স্বামী বিজয় বৰ্মাক অপহৰণ কৰি প্ৰতিশোধ লয়। তেওঁৰ সৈতে যি ঘটনা ঘটে তাকেই পুনৰাবৃত্তি কৰি আলিয়াই স্বামীক অপহৰণ কৰি অত্যাচাৰ কৰে।
ট্ৰেইলাৰত এইবোৰ দেখাৰ পিছতে এজন টুইটাৰ ব্যৱহাৰকাৰীয়ে লিখিছে – ‘ডাৰ্লিংছ’ৰ দৰে ভুল বুজাবুজিৰ ছবি নিৰ্মাণ কৰাৰ বাবে সকলোৱে #BoycottAliaBhatt কৰক। পুৰুষৰ ওপৰত ঘৰুৱা হিংসা বলীউডৰ বাবে কৌতুক।’
আন এজন ব্যৱহাৰকাৰীয়ে লিখিছে- ‘পুৰুষৰ ওপৰত হোৱা ঘৰুৱা হিংসা আমি সহ্য নকৰো। পুৰুষৰ বিৰুদ্ধে ডিভি কোনো ধেমালি নহয়।’
অন্য এক ব্যৱহাৰকাৰীয়ে লিখিছে, ‘#BoycottAliaBhatt যিয়ে পুৰুষৰ ওপৰত DV প্ৰচাৰ কৰি আছে। কল্পনা কৰক যদি লিংগ সলনি হ’লহেঁতেন!’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
