মোচুমী গগৈ ঘটনাৰ পাছত পুনৰ গুৱাহাটীত চাঞ্চল্য, ব্ৰহ্মপুত্ৰত উপঙি থকা অৱস্থাত যুৱক-কিশোৰী…
গুৱাহাটীত পুনৰ ভয়াৱহ ঘটনা। কালিৰ মোচুমী গগৈ ঘটনাৰ পাছত পুনৰ গুৱাহাটীত চাঞ্চল্য। কালিৰ ঘটনাৰ চাঞ্চল্য আজিয়ো অব্যাহত আছে। পাছে সেই ঘটনাৰ পাছতে আজি পুনৰ তীব্ৰ চাঞ্চল্য। ব্ৰহ্মপুত্ৰত উপঙি থকা অৱস্থাত উদ্ধাৰ দুই যুৱক-কিশোৰীৰ নিথৰ দেহ।
নিৰুদ্দেশ হৈ আছিল কিশোৰী গৰাকী। আজি গাড়ীগাঁৱৰ সমীপত ব্ৰহ্মপুত্ৰত মৃতদেহ উদ্ধাৰ। মৃতদেহ দুটা উদ্ধাৰৰ পাছতে হাহাকাৰ লাগি যায় সকলো ফালে। পৰিচয় উদ্ধাৰৰ পাছতে পৰিয়ালৰ লোক উপস্থিত হয় ঘটনাস্থলীত।
মৃতদেহ দুটা উদ্ধাৰৰ পাছতে কান্দোনত ভাগি পৰিছে পৰিয়ালৰ লোক। মৃতদেহ দুটা এগৰাকী কিশোৰী আৰু আনটো এগৰাকী যুৱকৰ।
কিশোৰীগৰাকীৰ নাম জুহি দাস আৰু যুৱকজনৰ নাম হীৰকজ্যোতি দাসৰ বুলি চিনাক্ত কৰা হৈছে। মৃত জুহি দাসৰ ঘৰ লুইত পাৰত হীৰকজ্যোতি দাসৰ ঘৰ গাড়ীগাঁৱৰ নোৱাপাৰাত।
জুহি দাসৰ স্কুলৰ গাড়ী চলাইছিল হীৰকজ্যোতিয়ে। নিতৌ জুহিক স্কুলৰ পৰা অনা-নিয়া কৰিছিল হীৰকজ্যোতিয়ে। মঙলবাৰে পুৱতি নিশা হীৰকজ্যোতিৰ সৈতেই ওলাই গৈছিল জুহি। তেতিয়াৰে পৰা সন্ধানহীন হৈ আছিল জুহি।
ঘটনাৰ খবৰ লাভৰ পাছতে ঘটনাস্থলীত উপস্থিত আৰক্ষী। ঘটনাৰ বিষয়ে এতিয়া বিশেষ জানিব পৰা হোৱা নাই। এতিয়াও সন্দেহৰ আৱৰ্তত সম্পূৰ্ণ ঘটনা। তদন্তৰ পাছতহে জানিব পৰা যাব ঘটনাৰ সবিশেষ।
বৰ্তমান মহানগৰী জালুকবাৰীৰ আৰক্ষীৰ উচ্চপদস্ত বিষয়া উপস্থিত হৈ ঘটনাৰ তদন্ত আৰম্ভ কৰিছে। আনহাতে নদী আৰক্ষী আৰু SDRF বাহিনীয়ে ব্ৰহ্মপুত্ৰৰপৰা মৃত দেহ দুটা উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
