৫৯ বছৰীয়া মষ্ট ৱাণ্টেড ব্যাচেলৰ ছলমান আজিয়ো কিয় অবিবাহিত…
বলীউডৰ ‘দবাং’ তথা ভাইজান ছলমান খানৰ আজি ৫৯ সংখ্যক জন্মদিন। এই উপলক্ষে তেওঁৰ অনুৰাগীসকলে ছ’চিয়েল মিডিয়াৰ জৰিয়তে অভিনেতাগৰাকীক অভিনন্দন জনাইছে।
পাছে ৫৯ বছৰত ভৰি দিলেও আজিয়ো অবিবাহিত ছলমান। দেশৰ ভিতৰতে মোষ্ট ৱাণ্ডেট ব্যাচেলক হিচাপেও নাম আছে ছলমানৰ। যাৰ বাবে আজি ছলমানৰ জন্মদিনটোতো তেওঁৰ বিবাহক লৈ প্ৰশ্ন কৰিছে বহু অনুৰাগীয়ে।
পাছে এনে নহয় যে কোনো ছোৱালী তেওঁৰ জীৱনত প্ৰৱেশ কৰা নাছিল। ছলমানৰ জীৱনত বহুকেইগৰাকী প্ৰেমিকাই প্ৰৱেশ কৰিছিল। কিন্তু কাৰোৰে সৈতে বিয়াত নবহে। ইয়াৰ আঁৰত ৫টা কাৰণ থাকিব পাৰে বুলি অনুৰাগীসকলে নিজেই বিচাৰি উলিয়াইছে।
ঐশ্বৰ্যৰ সৈতে সম্পৰ্ক
বলীউডৰ আটাইতকৈ ৱাণ্টেড ব্যাচালৰ ছলমান খান আৰু ঐশ্বৰ্য ৰায়ৰ অসম্পূৰ্ণ প্ৰেমৰ কাহিনীৰ বিষয়ে সকলোৱে জানে । এটা সময়ত দুয়োজনে ইজনে সিজনৰ প্ৰতি প্ৰেমত পৰিছিল। বিয়াত বহাৰো কথা আছিল। কিন্তু শেষত ব্ৰেকআপ হয়। বহুতেই কয়, ঐশ্বৰ্যৰ সৈতে সঁচা প্ৰেম আছিল ছলমানৰ , যাৰ বাবে আজি পৰ্যন্ত অবিবাহিত হৈ আছে।
আঙুঠি পিন্ধোৱাৰ পাছত বিয়া ভঙা-
এটা সময়ত সংগীতা বিজলানীয়ে ছলমান খানৰ জীৱনত প্ৰৱেশ কৰিছিল। কোৱা হয়, তেওঁলোকৰ বিয়াৰ কাৰ্ড পৰ্যন্ত বিতৰণ কৰা হৈছিল। কিন্তু কোনো কাৰণৰ এই সম্পৰ্কৰো যতি পৰে।
সাহস গোটাবলৈ অক্ষম ছলমান
ছলমান খানৰ জীৱনলৈ আহিছিল সোমী খান, লুইয়া ভান্টুৰ আৰু কেটৰিনা কাইফৰ দৰে প্ৰেয়সী, অতি ঘনিষ্ঠ আছিল সম্পৰ্ক। হয়তো অভিনেতাগৰাকীৰ বিয়া হ’ব বুলি জল্পনা-কল্পনা চলিছিল যদিও অনুৰাগীৰ সপোন পূৰণ নহল। হয়তো ইয়াৰ আঁৰৰ মূল কাৰণ আছিল ছলমানে বিবাহৰ বাবে সাহস গোটাব নোৱাৰাটো। সংবাদ মাধ্যমৰ খবৰ অনুসৰি ছলমানৰ পিতৃ চেলিম খানে এক সাক্ষাৎকাৰত কৈছিল যে অভিনেতাজনে সম্পৰ্ক গঢ়ি তোলে যদিও বিয়া পাতিবলৈ সাহস কৰিব নোৱাৰে।
অতিমাত্ৰা খং –
ছলমান খানে এবাৰ ৰিয়েলিটি শ্ব’ত কৈছিল যে এসময়ত তেওঁৰ বহুত খং উঠিছিল। ইয়াৰ বাবেই বহু কেইটা সম্পৰ্ক শেষ হৈছিল।
পিতৃ-মাতৃৰ সৈতে অতি ঘনিষ্ঠ সম্পৰ্ক-
ছলমান খানে বহুবাৰ কৈছে যে তেওঁ পিতৃ-মাতৃৰ সৈতে অতি ঘনিষ্ঠ। সিহঁতৰ পৰা আঁতৰি থকাৰ কথা কোনোদিনে নাভাবে। সংবাদ মাধ্যমৰ খবৰ অনুসৰি আৰবাজ খানে এক সাক্ষাৎকাৰত কৈছিল যে পিতৃ ছেলিম খানে – বিয়াৰ পিছত সন্তান সকলক ঘৰ এৰি আন ঘৰলৈ স্থানান্তৰিত হ’ব লাগিব বুলি কৈছিল। হয়তো এইটোৱেই হ’ব পাৰে ছলমানে কেতিয়াও বিয়া নকৰাৰ কাৰণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
