দিল্লীৰ এখন আদালতে জেএনইউৰ প্ৰাক্তন গৱেষক ছাত্ৰ তথা ছাত্ৰ নেতা ওমৰ খাদিলৰ জামিন নামাঞ্জুৰ কৰিছে৷
বৃহস্পতিবাৰে দিল্লীৰ কাৰ্কৰ্দোমা আদালতে ওমৰ খালিদৰ বিৰুদ্ধে উত্তৰ দিল্লীৰ হিংসাত্মক ঘটনাৰ উচতনিৰ অভিযোগত ৰুজু হোৱা UAPAৰ অধীনৰ গোচৰটোৰ জামিন আবেদন খাৰিজ কৰিছে৷
যোৱা ৩ মাৰ্চত আদালতৰ অতিৰিক্ত সত্ৰ ন্যায়াধীশ অমিতাভ ৰাৱাটে অভিযুক্ত ওমৰ খালিদৰ বক্তব্যৰ লগতে তেওঁৰ অধিবক্তাৰো যুক্তি শুনি গোচৰটো আদেশ সংৰক্ষিত কৰি ৰাখিছিল৷
লগতে পঢ়ক ৩১ মাৰ্চৰ ভিতৰত এই কাম নকৰিলে চৰকাৰী কৰ্মচাৰীৰ কৰ্তন হ’ব দৰমহা!
অভিযুক্ত খালিদে আদালতত কৈছিল যে তেওঁৰ বিৰুদ্ধে গোটৰটোৰ কোনো তথ্য প্ৰমাণ নাই৷ ইয়াৰ পিছতে জেইউএনৰ প্ৰাক্তন ছাত্ৰ নেতাগৰাকীয়ে জামিন লাভ কৰিব বুলি আশা কৰিছিল৷
কিন্তু আদালতে বৃহস্পতিবাৰে ওমৰ খালিদৰ জামিন নামাঞ্জুৰ কৰাৰ পিছত তেওঁ কাৰামুক্ত হোৱাৰ বাট পুনৰ বন্ধ হৈ পৰিল৷
উল্লেখ্য যে উক্ত গোচৰত ২০২০ চনৰ ১৪ ছেপ্টেম্বৰত গ্ৰেপ্তাৰ হোৱা ওমৰ খালিদে দিল্লীৰ তিহাৰ কাৰাগাৰত কাৰাবাস খাটি আছে৷
লগতে পঢ়ক কিয় অৰবিন্দ কেজৰিৱালৰ আম আদমি পাৰ্টিয়ে ৰাজনীতি ত্যাগ কৰিব?
২০২২ চনৰ ফেব্ৰুৱাৰিত উত্তৰ দিল্লীত কা বিৰুদ্ধে কৰা প্ৰতিবাদৰ পৰাই এক হিংসাত্মক ঘটনাৰ সূত্ৰপাত হৈছিল৷ উক্ত হিংসাত্মক ঘটনাত ৫৩ গৰাকী লোকৰ মৃত্যু হোৱাৰ লগতে ৭০০ৰো অধিক লোক আহত হৈছিল৷
হিংসাত্মক ঘটনাটোৰ সৈতে জড়িত থকাৰ অভিযোগত দিল্লী আৰক্ষীয়ে ১৮ গৰাকী অভিযুক্তক গ্ৰেপ্তাৰ কৰি কাৰাগাৰলৈ নিক্ষেপ কৰে৷ ইয়াৰে ৬ গৰাকীয়ে ইতিমধ্যে জামিন লাভ কৰিবলৈ সক্ষম হৈছে৷
অভিযুক্ত ওমৰ খালিদক সেই হিংসাত্মক ঘটনাৰ মূল ‘মাষ্টাৰমাইণ্ড’ বুলি অভিযোগ তুলি দিল্লী আৰক্ষীয়ে তেওঁক UAPAৰ অধীনত গ্ৰেপ্তাৰ কৰি তিহাৰ জে’ললৈ নিক্ষেপ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
