সঁচাকৈয়ে চন্দ্ৰ সংকুচিত হৈছে নেকি? শেহতীয়া প্ৰতিবেদনে উদ্বেগ বৃদ্ধি কৰিছে
আমেৰিকাৰ মেৰিলেণ্ড বিশ্ববিদ্যালয়ৰ বিজ্ঞানীৰ এটা দলে চন্দ্ৰ সন্দৰ্ভত এক চাঞ্চল্যকৰ প্ৰতিবেদন দাখিল কৰিছে। বিজ্ঞানীসকলৰ মতে, চন্দ্ৰৰ দক্ষিণ মেৰুৰ সমীপত চন্দ্ৰৰ পৃষ্ঠভাগ সংকুচিত হৈ আহিছে। কেইবা কোটি বছৰত চন্দ্ৰৰ আকাৰ ক্ৰমাগতভাৱে কমি আহিছে। যিয়ে মানুহৰ চন্দ্ৰত থিতাপি লোৱাৰ উদ্দেশ্য নষ্ট কৰিব পাৰে।
ইয়াৰ মূল অংশ যোৱা কেইবাবছৰত প্ৰায় ৫০ মিটাৰ অৰ্থাৎ ১৬৪ ফুট সংকুচিত হৈছে। চন্দ্ৰৰ প্ৰতিটো কাৰ্যকলাপে পৃথিৱীত প্ৰভাৱ পেলায়। যদি চন্দ্ৰৰ পৰা পোহৰ পৃথিৱীলৈ নাহে তেন্তে সাগৰ ফুলি উঠিব। যাৰ বাবে পৃথিৱীৰ গতি কমি যাব আৰু উষ্ণতা ইমানেই কমি যাব যে মানুহে ইয়াত থাকিব নোৱাৰা হৈ পৰিব।
বিজ্ঞানীসকলে দাবী কৰিছে যে ভূমিকম্পীয় কাৰ্যকলাপৰ বাবে চন্দ্ৰ সংকুচিত হৈছে। বিজ্ঞানীসকলে চন্দ্ৰৰ থ্ৰাষ্ট ফল্টৰ ছবি বিচাৰি উলিয়াইছে, যিবোৰ বিশ্লেষণ কৰা হৈছে। শেহতীয়াকৈ নাছাই এই ছবিসমূহ ৰেকৰ্ডিং কৰিছে।
চন্দ্ৰৰ এটা আভ্যন্তৰীণ কোৰ আছে। যাৰ ব্যাসাৰ্ধ প্ৰায় ৫০০ কিলোমিটাৰ, সেই কোৰ আংশিকভাৱে গলি গৈছে। ইয়াৰ বাহিৰৰ অংশ যথেষ্ট সুক্ষ্ম, সংকোচনৰ বাবে ইয়াৰ খোলা ভাঙি যায়। চন্দ্ৰৰ কিছুমান ৰেখাত লাহে লাহে সংকোচন হ’লেও ফাটৰ সৃষ্টি হয়। পৃথিৱীৰ মাধ্যাকৰ্ষণ শক্তিও চন্দ্ৰক প্ৰভাৱিত কৰিছে।
ড০ থমাছ ৱাটাৰ্ছে উদ্বেগ প্ৰকাশ কৰিছে যে এই নতুন প্ৰতিবেদনে ৫০ বছৰত হোৱা এক বৃহৎ ভূমিকম্পৰ বাবে চন্দ্ৰপৃষ্ঠৰ যথেষ্ট ক্ষতিসাধন কৰিছে। তেওঁ কয় যে পৃথিৱীত এটা চমু ভূমিকম্পই বৃহৎ ধ্বংসলীলাৰ সৃষ্টি কৰিব পাৰে। চন্দ্ৰত পৰিস্থিতি ওলোটা হৈ পৰে। ইয়াত ভূমিকম্প কেইবা ঘণ্টা ধৰি চলিব পাৰে। যিয়ে মানৱ বসতি সম্পূৰ্ণৰূপে ধ্বংস কৰিব পাৰে।
কোটি কোটি বছৰ ধৰি চন্দ্ৰ পৃষ্ঠত বহুতো ধুমকেতুৱে আঘাত কৰি আহিছে। যাৰ বাবে পৃষ্ঠত থকা শিলগুটিৰ টুকুৰাবোৰে আশা কৰাতকৈ বেছি হৈছে। সহযোগী অধ্যাপক নিকোলাছ শ্বমাৰে কয় যে চন্দ্ৰৰ পৃষ্ঠভাগ এতিয়া মাইক্ৰনৰ পৰা শিলৰ আকাৰলৈকে হ’ব পাৰে। এতিয়াও কম্পন আৰু ভূমিস্খলনৰ সম্ভাৱনা আছে, যিয়ে নাছাৰ অভিযানৰ প্ৰতি ভাবুকি কঢ়িয়াই আনিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
