৩৬ খন জিলাৰ ১১৩ গৰাকী মহিলাক ফোনত বিভিন্ন ধৰণৰ হাৰাশাস্তি কৰি ৰঙাঘৰত সোমাবলগীয়া হৈছে এগৰাকী ব্যক্তি৷
একাংশ মহিলাৰ অভিযোগৰ ভিত্তিত উত্তৰ প্ৰদেশৰ ছাইনী আৰক্ষীয়ে বৃহস্পতিবাৰে ৰবেন্দ্ৰ কুমাৰ মৌৰ্যৰ নামৰ ৪৫ বছৰীয়া ব্যক্তিগৰাকীক গ্ৰেপ্তাৰ কৰিছে৷
আৰক্ষীয়ে প্ৰকাশ কৰা মতে লোকজনৰ বিৰুদ্ধে উত্তৰ প্ৰদেশৰ উন্নাও, কাণপুৰ নগৰ, আম্বেদকাৰ নগৰ, প্ৰতাপগড়, প্ৰয়াগৰাজ, ৰাইবেৰেলী, হাৰ্দৈস চুলতানপুৰ, মীৰ্জাপুৰ, গোৰখপুৰ, আমেথি, গাজীপুৰ আজমগড়, কৌশাম্বী আদি জিলাৰ বিভিন্ন থানাত গোচৰ ৰুজু কৰা পিছতে লোকজনক ৱাণ্টেড অপৰাধী ঘোষণা কৰা হৈছিল৷
লগতে পঢ়ক ১ কোটি টকাৰ পুৰস্কাৰৰ লোভ! কিয় মৃত্যুদণ্ড দিয়া হ’ল আলফা(স্বা)ৰ দুই সদস্যক?
লোকজনৰ বিৰুদ্ধে লক্ষ্ণৌত সৰ্বাধিক ১৯ গৰাকী মহিলাই হাৰাশাস্তি কৰাৰ বিৰুদ্ধে গোচৰ ৰুজু কৰা বুলি আৰক্ষীয়ে প্ৰকাশ কৰিছে৷
আৰক্ষীয়ে প্ৰকাশ কৰা মতে অভিযুক্ত মৌৰ্যই মোবাইলত বিভিন্ন নম্বৰ ডাইল কৰি ফোন কৰে আৰু সেই নম্বৰটোত কোনো মহিলা বা যুৱতীয়ে ফোন ৰিচিভ কৰিলে বিভিন্ন ধৰণৰ অশ্লীল তথা অশালীন ভাষাৰে হাৰাশাস্তি কৰিবলৈ ধৰে৷ ইয়াৰ পিছতে তেওঁ ভিডিঅ’ কল কৰিও বিভিন্ন অশ্লীল ভাৱ ভংগী কৰি সেয়া ৰেকৰ্ডিং কৰে৷
লোকজনে ভুৱা পৰিচয়েৰে বিভিন্ন মোবাইল কোম্পানীৰ পৰা ছিম কাৰ্ড উলিয়াই এইবোৰ কাণ্ড সংঘটিত কৰি আহিছিল৷
লগতে পঢ়ক ‘বিয়া পাতিলেই বৃদ্ধি কৰা হ’ব দৰমহা’, আইটি প্ৰতিষ্ঠানৰ আকৰ্ষণীয় প্ৰস্তাৱ
মহিলাসকলৰ পৰা একে অভিযোগ লাভ কৰি আৰক্ষীয়ে বিভিন্ন ছিম কাৰ্ডৰ পৰা কৰা তেনেধৰণৰ সকলোবোৰ ফোন কল ট্ৰেছ কৰিবলৈ ধৰে আৰু অৱশেষত কৌশাম্বীৰ পৰা এজন লোকে এই কাণ্ড সংঘটিত কৰা বুলি নিশ্চিত হৈ তাৰ পৰাই লোকজনক গ্ৰেপ্তাৰ কৰিবলৈ সক্ষম হয়৷
পেচাত এজন আমৰ ব্যৱসায়ী মৌৰ্যৰ বিৰুদ্ধে আৰক্ষীয়ে ভাৰতীয় দণ্ডবিধি আইনৰ ধাৰা ৩৫৪, ৪১৯, ৪২০, ৬৮, ৬৭, ৭১ আৰু ২৯৪ অধীনত গোচৰ ৰুজু কৰিছে৷
আৰক্ষীয়ে প্ৰকাশ কৰা মতে লোকজনৰ অবিবাহিত আৰু তেওঁৰ ৪ গৰাকী কণিষ্ঠ ভাতৃ আছে৷ হাতাশাগ্ৰস্ততা ভুগি লোকজনে এই কাণ্ড সংঘটিত কৰা অহা বুলি আৰক্ষীৰ আগত প্ৰকাশ কৰিছে৷ আৰক্ষীৰ মতে লোকজনক বিভিন্ন সময়ত ইয়াৰ বাবে কাউনচেলিঙৰ কৰিছিল যদিও সেই হতাশাগ্ৰস্ততাৰ পৰা মুক্তি লাভ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
