ইজৰাইলৰ বৃহৎ সফলতা, ১৮ বছৰৰ পাছত বিশেষ চোৰাংচোৱা লগাই হিজবুল্লাহৰ শক্তি নিধন
হিজবুল্লাহৰ শক্তিশালী নেতা হাছান নছৰল্লাহক হত্যা কৰি ইজৰাইলে এক বৃহৎ সফলতা লাভ কৰিছে। কিন্তু ইজৰাইলৰ প্ৰতিৰক্ষা বাহিনীয়ে এদিনতে এই সফলতা লাভ কৰিব পৰা নাই। ইয়াৰ বাবে ইজৰাইলী চোৰাংচোৱা সংস্থাৰ সহায় লৈছিল। যিটো ২০০৬ চনৰ পৰা আৰম্ভ হৈছিল।
নছৰল্লাহক হত্যা কৰাৰ পূৰ্বে ইজৰাইলে এই বিষয়ে আমেৰিকাক জনাইছিল। অৱশ্যে ৰাষ্ট্ৰপতি জো বাইডেনে এই কথা স্পষ্টভাৱে অস্বীকাৰ কৰিছিল। তেওঁ কৈছিল যে তেনে কৰিলে আঞ্চলিক যুদ্ধৰ সূচনা হ’ব, কিন্তু ইজৰাইলে জানিছিল যে যদি এইটো কৰা নহয় তেন্তে হিজবুল্লাহ তেওঁলোকৰ বাবে মূৰৰ কামুৰণি বুলি প্ৰমাণিত হ’ব।
আমেৰিকাৰ সৈতে এই তথ্য ভাগ-বতৰা কৰাৰ লগে লগে ইজৰাইলে কোনো পলম নকৰাকৈয়ে লেবাননত থকা হিজবুল্লাহৰ মুখ্য কাৰ্যালয়ৰ চাৰি মহলীয়া অট্টালিকাত যুদ্ধ বিমানৰ পৰা ৮০টাতকৈও অধিক বোমা নিক্ষেপ কৰি হাছান নাছৰল্লাক হত্যা কৰে। কিন্তু এইবাৰ ইজৰাইলে আমেৰিকাক প্ৰথম আক্ৰমণৰ সৈতে জড়িত কোনো তথ্য নিদিলে। ইয়াৰ লগতে ইজৰাইলী সেনাই হিজবুল্লাহৰ আৰু বহু সেনাপতিক হত্যা কৰে, য’ত নাছৰল্লাহৰ কন্যাও আছিল।
নিউয়ৰ্ক টাইমছৰ প্ৰতিবেদন অনুসৰি ইজৰাইলে গম পাইছিল যে নছৰল্লাই তেওঁৰ কিছুমান শীৰ্ষ লেফটেনেণ্টক লগ কৰিবলৈ বেইৰুটৰ এটা বাংকাৰত উপস্থিত হৈছিল। এই বিষয়ে সুনিৰ্দিষ্ট খবৰ পাবলৈ ইজৰাইলে নিজৰ চোৰাংচোৱা সংস্থাৰ সহায় লৈছিল। যিটো তেওঁ ২০০৬ চনৰ পৰা কেৱল এই কামৰ বাবেই নিযুক্তি দিছিল।
অৰ্থাৎ ১৮ বছৰৰ পাছত হিজবুল্লাহৰ সন্ত্ৰাসবাদৰ অন্ত পেলোৱাত ইজৰাইল সফল হয়। তেওঁলোকে এইটোও জানিছিল যে ২০২৩ চনত হামাছৰ বিৰুদ্ধে যুদ্ধ আৰম্ভ হোৱাৰ পিছত হিজবুল্লাই তেওঁলোকক আক্ৰমণ কৰিব। তেওঁৰ কথা সঁচা বুলি প্ৰমাণিত হ’ল আৰু উত্তৰ লেবানন সীমান্তৰ পৰা হামাছৰ সমৰ্থনত সন্ত্ৰাসবাদীয়ে কেইবাটাও আক্ৰমণ চলাইছিল যদিও এইবাৰ ইজৰাইলে ৰিস্ক ল’ব নিবিচাৰিলে।
ইৰাণ সমৰ্থিত সন্ত্ৰাসবাদী সংগঠনটোৰ সৈতে ২০০৬ চনৰ যুদ্ধৰ পিছত ইজৰাইলৰ চোৰাংচোৱা সংস্থাটোৱে হিজবুল্লাহৰ বিৰুদ্ধে তথ্য সংগ্ৰহৰ বাবে দিনে নিশাই কাম কৰিছিল। ইয়াৰ বাবে ইজৰাইলে কেইবাবছৰ ধৰি মোছাদক আৰু অধিক শক্তিশালী কৰি তুলিছিল।
ইয়াৰ অধীনত ইজৰাইলৰ চিগনেল ইনটেলিজেন্স এজেন্সী ইউনিট ৮২০০-এ হিজবুল্লাহৰ চেল ফোন আৰু অন্যান্য ডিভাইচসমূহক ভালদৰে আটক কৰিবলৈ অত্যাধুনিক চাইবাৰ সঁজুলি তৈয়াৰ কৰিছিল। মূল্যৱান তথ্য যাতে সৈন্য আৰু বায়ুসেনালৈ দ্ৰুতভাৱে প্ৰেৰণ কৰা হয় তাৰ বাবে যুদ্ধৰ ভিতৰত নতুন দল গঠন কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
