অসম লাইভ২৪ঃ দেশত UPI অৰ্থাৎ অনলাইন লেনদেনৰ ব্যৱহাৰ দিনকদিনে বৃদ্ধি পাইছে। PhonePe, Google Pay, Paytmৰ দৰে থাৰ্ড পাৰ্টী এপসমূহে অনলাইন ইউপিআই লেনদেন আৰু বেছি সহজ কৰি তুলিছে। বৰ্তমান সৰু সৰু দোকানৰ পৰা আদি কৰি হকাৰলৈকে, শ্বপিং মলৰ পৰা ফুটপাথৰ দোকানলৈকে UPI লেনদেন সকলোতে। ডিজিটেল ইণ্ডিয়াৰ শ্ৰষ্টা হিচাপে ইতিহাসত নিজৰ নাম সন্নিবিষ্ট কৰা মোদীয়ে এইবাৰ লৈছে আন এক বৃহৎ সিদ্ধান্ত। এই সিদ্ধান্ত কেন্দ্ৰীয় চৰকাৰে নিজে লোৱা নাই। এই বৃহৎ সিদ্ধান্ত লৈছে নেশ্ব্যনেল পেমেণ্টছ কৰ্পোৰেশ্বন অফ ইণ্ডিয়াই মূলত UPI পৰিচালনা কৰাৰ দায়িত্বত আছে। এইবাৰ এই সংস্থাই PhonePe, Google Pay, Paytmৰ দৰে থাৰ্ড পাৰ্টী এপসমূহলৈ বিশেষ নিৰ্দেশনা প্ৰেৰণ কৰিছে নেশ্ব্যনেল পেমেণ্টছ কৰ্পোৰেশ্বন অফ ইণ্ডিয়াই।
যিসমূহ UPIidৰ পৰা বিগত এবছৰে কোনো লেনদেন হোৱা নাই তেনে UPIid বন্ধ কৰাৰ নিৰ্দেশ দিয়া হৈছে। বন্ধ কৰাৰ পূৰ্বে Email গ্ৰাহকক এই সন্দৰ্ভত বিশেষ মেছেজ প্ৰেৰণ কৰা হৈছে। নেশ্ব্যনেল পেমেণ্টছ কৰ্পোৰেশ্বন অফ ইণ্ডিয়াই এই সিন্ধান্তৰ ফলত UPI লেনদেন আৰু নিৰাপদ হ’ব বুলি আশা কৰা হৈছে। সমস্ত এপ আৰু বেংক নিষ্ক্ৰিয় গ্ৰাহকক ইউপি আইডিৰ সৈতে মোবাইল নম্বৰ এক্টিভ হৈ আছেনে নাই সেই কথাত নজৰ দিবলৈ নিৰ্দেশ দিয়া হৈছে। বিগত এবছৰ ধৰি যিসকলৰ ক্ৰেডিট কাৰ্ড বা ডেবিট কাৰ্ড অব্যৱহৃত হৈ আছে তেওঁলোকৰো UPI আইডি অচিৰেই বন্ধ কৰা হ’ব।
ভুল UPI লেনদেন কমি যাব
কেন্দ্ৰীয় সংস্থাৰ এই সিদ্ধান্তত ভুল লেনদেন কমি যাব বুলি আশা কৰা হৈছে। বহুতৰে ক্ষেত্ৰত দেখা যায় যে, নিজৰ মোবাইল নম্বৰ সলাই কিন্তু UPI লেনদেনত অন্য নম্বৰ দি থয়। এনে অব্যৱহৃত মোবাইল নম্বৰৰ সৈতে যুক্ত UPI id বন্ধ কৰি দিয়া হ’ব। এই ক্ষেত্ৰত কোনো লোকে যদি আকৌ পুৰণি নম্বৰটো এক্টিভ কৰে তেন্তে তেওঁৰ ইউপিআই আইডি সক্ৰিয় হৈ পৰিব। ফোন নম্বৰত টকা পঠিয়ালেও লাভ কৰিব। ১বছৰলৈকে ডিএক্টিভ হৈ থকা সকলোবোৰ ইউপিআই আইডিয়েই বন্ধ হৈ পৰাৰ পূৰ্ণ সম্ভাৱনা আছে।
UPI ID এক্টিভ ৰাখিবলৈ কি কৰিব?
বহুক্ষেত্ৰত দেখা যায় যে, এজন ব্যক্তিৰ দুই বা তাতোধিক UPI ID থাকে। কিন্তু বেছিভাগ সময়েই সেই UPI IDৰে লেনদেন নহয়। তেনে অব্যৱহৃত UPI IDসমূহ নিষ্ক্ৰিয় কৰি দিয়া হ’ব। এজন ব্যৱহাৰকাৰীয়ে অত্যাধিক UPI ID এক্টিভ ৰাখিলে মাজে মাজে সেই আইডিৰেও পেমেণ্ট কৰি থাকিলেহে সেই আইডিসমূহ থাকিব অন্যথা চিৰদিনৰ বাবে বন্ধ কৰি দিব নেশ্ব্যনেল পেমেণ্টছ কৰ্পোৰেশ্বন অফ ইণ্ডিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
