ৰক্ষকেই ভক্ষক, আৰক্ষীৰ হাততেই সৰ্বস্ব হেৰুৱালে মহিলা চিপাহীয়ে
ৰক্ষা কৰোতাই আজুৰিলে মান। এবাৰ দুবাৰ নহয় বহুবাৰ ধৰ্ষিতা হ’ল এগৰাকী মহিলা চিপাহী। থানাৰ ভিতৰতেই কনিষ্টবলৰ হাতত ধৰ্ষণৰ বলি হ’ল মহিলাগৰাকী।
এফালে মহিলা সুৰক্ষাৰ বাবে আৰক্ষীয়ে দিনে-নিশাই পহৰা দিয়াৰ ব্যৱস্থা কৰিছে। পৰিস্থিতি অধিক সুৰক্ষিত কৰিবৰ বাবে অহৰহ চেষ্ঠা চলাই আছে। সেই সময়তেই এগৰাকী আৰক্ষীৰ হাততেই ধৰ্ষণৰ বলি এগৰাকী মহিলা আৰক্ষী।
ৰাষ্ট্ৰীয় সংবাদ মাধ্যমত প্ৰকাশিত বাতৰি অনুসৰি, উত্তৰপ্ৰদেশৰ জালৌনত সংঘটিত হৈছে এই ঘটনা। জালৌনৰ নদীগাঁও থানাৰ আৰক্ষীৰ ওপৰত এই গুৰুতৰ অভিযোগ।
ঘটনাৰ বিষয়ে পোহৰলৈ অহাৰ পাছতে আৰক্ষীৰ উচ্চ পদস্থ বিষয়াই ততাতৈয়াকৈ গোচৰ ৰুজু কৰি ঘটনাৰ তদন্ত আৰম্ভ কৰে।
মহিলা আৰক্ষী বিষয়াগৰাকীয়ে দিয়া ভাষ্য অনুসৰি, কৰ্মবীৰ সিং নামৰ কনিষ্টবল গৰাকীয়ে কেইবাবাৰো তেনে জঘন্য কাম কৰিছে। সেই বিষয়ে উচ্চ পদষ্ট বিষয়াক জনাবলৈ বিচৰাত প্ৰাণে মৰাৰ ভাবুকি প্ৰদান কৰিছে।
শেষত কনিষ্টবল কৰ্মবীৰৰ বদলি হৈ যোৱাত হে ভয় ভাবুকিৰ পৰা মুক্ত হৈ থানাৰ উচ্চ পদস্থ বিষয়াক সদৰি কৰে সকলো ঘটনা। তেতিয়াই ওলাই পৰে কৰ্মবীৰ সিঙৰ জঘন্য কাণ্ডৰ বিষয়ে।
পাছত জিৰো টোলাৰেঞ্চৰ অধীনত তদন্ত কৰি কৰ্মবীৰক আটক কৰাৰ লগতে চাকৰিৰ পৰা সদ্যহতে অব্যাহতি দি ৰাখিছে। দোষী প্ৰমাণিত হলে চাকৰিৰ পৰা বৰ্খাস্ত হোৱাৰ লগতে কাৰাবাসৰো শাস্তি পাব অভিযুক্ত কৰ্মবীৰ সিঙে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
