অৱশেষত কিছু আইনী সকাহ লাভ কৰিছে ভিক্টৰ দাসে৷ কাৰাগাৰৰ পৰা মুক্ত হোৱাৰ পথ প্ৰশস্ত হ’ল ভিক্টৰ দাসৰ৷
অসম চৰকাৰৰ ২৬ হাজাৰ চাকৰিৰ তৃতীয় আৰু চতুৰ্থ বৰ্গৰ নিযুক্তিৰ ক্ষেত্ৰত ধনৰ লেনদেন হোৱাৰ অভিযোগ তুলি গ্ৰেপ্তাৰ হৈছিল ভিক্টৰ দাস৷
ভিক্টৰ দাসে নিজৰ টুইটাৰ হেণ্ডলত চৰকাৰী নিযুক্তিত কেলেংকাৰি হোৱাৰ বিস্ফোৰক অভিযোগ উত্থাপন কৰিছিল৷ ভিক্টৰ দাসে টুইটাৰত অসম চৰকাৰৰ ২৬ হাজাৰ চাকৰিৰ তৃতীয় আৰু চতুৰ্থ বৰ্গৰ নিযুক্তিৰ ক্ষেত্ৰত এজন প্ৰাক্তন বিধায়কৰ নেতৃত্বত একোটা পদৰ বিপৰীতে ক্ৰমে ৩ৰ পৰা ৮ লাখ টকা ধনৰ লেনদেন হোৱাৰ বিস্ফোৰক অভিযোগ উত্থাপন কৰিছিল৷
লগতে পঢ়ক বিয়াৰ পূৰ্বে স্বামী আছিল নাৰী! বিবাহৰ ৮ বছৰৰ পাছত লিংগ পৰিৱৰ্তন! তাৰ পিছত কি হ’ল?
ইয়াৰ পাছতে পাণবজাৰ আৰক্ষীয়ে অভিযোগৰ তদন্ত আৰম্ভ কৰি অভিযোগকাৰী ভিক্টৰ দাসক জেৰা চলায়৷ জেৰাৰ অন্তত পাণবজাৰ আৰক্ষীয়ে ভিক্টৰ দাসে ভুৱা অভিযোগ বুলি দাবী কৰাৰ অভিযোগত গ্ৰেপ্তাৰ কৰে৷
আৰক্ষীয়ে প্ৰকাশ কৰা মতে ভিক্টৰ দাসে মিছা অভিযোগ আনিছে আৰু তদন্তৰ কালত কোনো তথ্য প্ৰমাণ দাখিল কৰিব পৰা নাই৷ ইয়াৰ বিপৰীতে ভিক্টৰ দাসে নিজৰ স্থিতি অটল হৈ থকাৰ কথা সংবাদ মাধ্যমৰ আগত দোহাৰি আহিছে৷
ইয়াৰ মাজতে শুকুৰবাৰে গুৱাহাটী উচ্চ ন্যায়ালয়ে ভিক্টৰ দাসৰ অন্তৱৰ্তীকালীন জামিন মঞ্জুৰ কৰিছে৷ আদালতে অহা ২৯ ছেপ্টেম্বৰৰ ভিতৰত গোচৰটোৰ কেচ ডায়েৰী দাখিল কৰিবলৈও আৰক্ষীক নিৰ্দেশ দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
