ভাৰতত নিষিদ্ধ ঘোষণা হোৱা পিটবুলৰ ভয়ংকৰ আক্ৰমণ, সহায় বিচাৰি হাবাথুৰি ডেলিভাৰী বয়ৰ, ভাইৰেল ভিডিঅ’
চত্তীশগড়ৰ ৰায়পুৰত ভাৰতত নিষিদ্ধ হোৱাৰ পাছতো পোহনীয়া হিচাপে ৰখা দুটা পিটবুলৰ আক্ৰমণত কথমপি প্ৰাণ ৰক্ষা পৰে এজন ডেলিভাৰী বয়ৰ। বৰ্তমানে সামাজিক মাধ্যমত ভাইৰেল হৈ পৰিছে সেই শিহৰণকাৰী দৃশ্য।
সচৰাচৰৰ দৰে ডেলিভাৰী বয়টোৱে সামগ্ৰী ডেলিভাৰী কৰিবলৈ সেই স্থান পাইছিলহি, কিন্তু সেই ঘৰত উপস্থিত থকা দুটা পিটবুল কুকুৰে হঠাৎ যুৱকজনক আক্ৰমণ কৰি দিয়ে। পিট বুলৰ আক্ৰমণত ডেলিভাৰী বয়জন গুৰুতৰভাৱে আহত হয়।
কোনোমতে ঘৰটোৰ পৰা পলাই গৈ নিজৰ প্ৰাণ ৰক্ষা কৰে। এই ঘটনাৰ ভিডিঅ’ ছচিয়েল মিডিয়াত ভাইৰেল হৈ আছে। এইটো পিটবুল আক্ৰমণৰ প্ৰথমটো ঘটনা নহয়, ইয়াৰ পূৰ্বেও এনে বহু গোচৰ পোহৰলৈ আহিছিল। যাৰ বাবেই ভাৰতৰবৰ্ষত নিষিদ্ধি ঘোষণা হৈছিল পিটবুল।
এই ঘটনা প্ৰায় এসপ্তাহ পূৰ্বে সংঘটিত হৈছিল, যাৰ ভিডিঅ’ বৰ্তমানে ছ’চিয়েল মিডিয়াত ভাইৰেল হৈ আছে। এই ঘটনাৰ ভিডিঅ’টোত দেখা গৈছে যে এজন ব্যক্তিয়ে গেট খুলি ঘৰত প্ৰৱেশ কৰা দেখা গৈছে। কিন্তু হঠাৎ দুটা পিটবুল কুকুৰ আৰু এটা সাধাৰণ কুকুৰে ভুকি ভুকি খেদি আহে।
পিটবুল দুটাই ডেলিভাৰী বয়জনৰ হাত আৰু উৰুত আক্ৰমণ কৰে। যাৰ ফলত তেজেৰে তেজেৰে তুমুৰুলি হৈ পৰে যুৱকজন। অৱশেষত কোনোমতে গেটৰ পৰা বাহিৰ হৈ বাটৰ কাষত ৰৈ থকা এখন বাহনৰ বনেটত উঠিহে ৰক্ষা পৰে। পাছত এই গোচৰত কুকুৰটোৰ মালিক অক্ষত ৰাওৰ বিৰুদ্ধে এফআইআৰ ৰুজু কৰা হয়। শেষত ৫ হাজাৰ টকাৰ বণ্ডত মুকলি কৰি দিয়া হয়।
https://x.com/bhayankar_prani/status/1812762091377270899
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
