ডিজিটেল ডেস্কঃ গুৱাহাটীত অনু্ষ্ঠান পৰিৱেশন কৰি পুনৰ মুম্বাইলৈ উভতিল অৰিজিত সিং। সংগীতেৰে দৰ্শকক মোহাচ্ছন্ন কৰা অৰিজিত সিঙৰ সহজ-সৰল জীৱনক লৈ এতিয়া সৰ্বত্ৰে চৰ্চা হৈছে। এনে সময়তে শেহতীয়াকৈ সামাজিক মাধ্যমত ভাইৰেল হৈছে এটা বিশেষ ভিডিঅ। এই ভিডিঅটোত অৰিজিত সিঙে দৰ্শকৰ কি কাম আটাইতকৈ বেয়া পায় সেই কথা অনুষ্ঠানৰ মাজতে দৰ্শকক উদ্দেশ্যি কৈছে।
অৰিজিত সিঙে কৈছে যে- মই আটাইতকৈ বেয়া পোৱা কামবোৰৰ ভিতৰত দুটা কাম হৈছে অটোগ্ৰাফ দিয়া আৰু কাৰোবাৰ সৈতে ফটোগ্ৰাফ তোলা। বিশেষকৈ অনুষ্ঠান পৰিৱেশন কৰি থকাৰ সময়ত মই এই কাম দুটা কৰিবলৈ আটাইতকৈ বেয়া পাও। কিন্তু মোৰ উপায়ো নাই, মই নিবিচাৰিলেও দৰ্শকে বাৰে বাৰে মোক এই কামৰ বাবে অনুৰোধ কৰে।
LINKত ক্লিক কৰি চাওক VIDEO-
https://www.facebook.com/reel/247783798158542
অৰিজিত সিঙৰ এই ভিডিঅটো শেহতীয়াকৈ ছচিয়েল মিডিয়াত ভাইৰেল হোৱাৰ পাছতে এতিয়া চৰ্চা হৈছে যে, গুৱাহাটীতো দৰ্শকসকলে অৰিজিত সিঙে বেয়া পোৱা এই কাম দুটাই কৰিছিল নেকি! গুৱাহাটীৰ বৰ্ষাপাৰাত অনুষ্ঠিত হোৱা সংগীতানুষ্ঠানতো অৰিজিত সিঙে বহুতক অটোগ্ৰাফ দিয়া পৰিলক্ষিত হৈছিল। অনিচ্ছা সত্ত্বেও অৰিজিতে একো আপত্তি নোহোৱাকৈ সকলোকে অটোগ্ৰাফ দিবলৈ চেষ্টা কৰিছিল। কিন্তু অৰিজিতে এই কামটোৱে আটাইতকৈ বেয়া পাও বুলি নিজেই উল্লেখ কৰিছিল।
দৰ্শকৰ মন ৰাখিবলৈকে অৰিজিত সিঙে অনিচ্ছা সত্ত্বেও বা নিজে বেয়া পোৱা কাম হলেও সকলোকে অটোগ্ৰাফ দিবলৈ চেষ্টা কৰিছিল। ইয়াৰ পাছতে এতিয়া চৰ্চা হৈছে যে, গুৱাহাটীৰ দৰ্শক সকলেও অৰিজিত সিঙে আটাইতকৈ বেয়া পোৱা কামটোকে কৰিলে নেকি?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
