৯৮ সংখ্যক অস্কাৰ প্ৰদান অনুষ্ঠানত নিজৰ খং সম্বৰণ কৰিব নোৱাৰি এইবাৰৰ শ্ৰেষ্ঠ অভিনেতাৰ অস্কাৰ বঁটা বিজয়ী উইল স্মিথে কমেডিয়ান তথা অনুষ্ঠানৰ হ’ষ্ট ক্ৰিছ ৰ’কৰ গালত প্ৰচণ্ড চৰ সোধায়৷
সমগ্ৰ ঘটনাটোৱে এতিয়া বিশ্বজুৰি বিশেষভাৱে চৰ্চা লাভ কৰিছে৷ আচলতে কিয় হলিউদৰ অভিনেতাগৰাকীয়ে মঞ্চলৈ গৈ কমেডিয়ান ক্ৰিছ ৰ’কক প্ৰচণ্ড চৰ সোধালে?
চৰ সোধাই আহিয়ে কমেডিয়ান ক্ৰিছৰ বিৰুদ্ধে স্মিথে নিজৰ পত্নী অভিনেত্ৰী জাডা পিঙ্কেটৰ ৰোগক কমেডীৰ নামত তাচ্ছিল্য কৰাৰ অভিযোগ তোলে৷
লগতে পঢ়ক ৮-১০ এপ্ৰিলত গুৱাহাটীত অনুষ্ঠিত হ’ব গ্লেমাৰিয়াছ টেবুল টেনিছ ইউনাইটেড প্ৰিমিয়াৰ লীগ
উল্লেখ্য যে জাডা পিঙ্কেটে এক বিশেষ ৰোগত আক্ৰান্ত হৈ মূলৰ চুলি হেৰুওৱাইছে৷ বৰ্তমান পিঙ্কেটৰ মূৰত চুলি নাই৷ কমেডিয়ান ক্ৰিছে পিঙ্কেটৰ এই অৱস্থাটোক লৈ ৰগৰ কৰিলেও পিঙ্কেটে বিব্ৰতবোধ কৰাটো কেমেৰাৰ স্ক্ৰীণত স্পষ্ট হৈ পৰিছিল৷ যিটোক সহ্য কৰিব নোৱাৰি স্বামী উইল স্মিথে মঞ্চলৈ গৈ ক্ৰিছক প্ৰচণ্ড চৰ সোধালে৷
উইল স্মিথৰ পত্নী জাডা পিঙ্কেটে অল’পেচিয়া অ’ৰিয়েটা ৰোগত ভুগি আছে৷ উক্ত ৰোগত ভুগি থকাৰ ফলতে তেওঁৰ মূৰৰ চুলিবোৰ সৰি পৰিছে৷ এতিয়া কথা হ’ল কি এই অ’লপেচিয়া অ’ৰিয়েটা?
এই ৰোগটো হ’লে মানুহৰ মূৰৰ চুলিবোৰ নিজেই সৰি পৰে৷ এই ৰোগত ভুগিলে কিছুমানৰ চুলি সামান্য পৰিমাণে সৰিলেও কিছুমানৰ সম্পূৰ্ণৰূপেই সৰি পৰা দেখা যায়৷
লগতে পঢ়ক হোৱাটছএপত পাকিস্তানক লৈ কি ষ্টেটাছ দি গ্ৰেপ্তাৰ হ’ল এগৰাকী ভাৰতীয় যুৱতী?
এই ৰোগত পুৰুষ মহিলা তথা যিকোনো লিংগৰ মানুহেই আক্ৰান্ত হ’ব পাৰে৷ সাধাৰণতে ত্ৰিশ বছৰৰ তলৰ ব্যক্তিয়ে এই ৰোগত আক্ৰান্ত হয়৷ অৱশ্যে ৩০ উৰ্ধৰ লোকেও আক্ৰান্ত নোহোৱা নহয়৷
এই ৰোগত আক্ৰান্ত হৈ চুলি সৰাৰ ৰক্ষা পৰা নাযায়৷ অৱশ্যে চুলি পুনৰ বৃদ্ধিৰ বাবে চিকিৎসকে সমাধানৰ কিছুমান বিকল্প পৰামৰ্শ দিব পাৰে৷ বিভিন্ন প্ৰতিবেদনত প্ৰকাশ পোৱা মতে এই ৰোগৰ চিকিৎসাৰ বাবে আক্ৰান্ত লোকক ক’ৰ্টিক’ষ্টেৰ’য়ড ব্যৱহাৰ কৰিবলৈ দিয়া হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
