বলিউদৰ জনপ্ৰিয় কণ্ঠটশিল্পী কে কে মৃত্যুৰ ৩ দিন পাৰ হৈ গ’ল। কিন্তু প্ৰিয় কণ্ঠশিল্পীগৰাকীৰ এই আকস্মিক মৃত্যু এতিয়াও কোনেও মানি ল’ব পৰা নাই। দুটাকৈ প্ৰজন্ম কে কে গীতৰ প্ৰেমত মছগুল আছিল।
যোৱা মঙলবাৰে সন্ধিয়া কে কে নিজৰ কাৰ্যসূচী শেষ কৰি মধ্য কলকাতাৰ এখন বিলাসী হোটেললৈ উভতি আহি অসুস্থ হৈ পৰিছিল। তেওঁক চিকিৎসালয়লৈ লৈ যোৱা হয় আৰু চিকিৎসকে তেওঁক মৃত বুলি ঘোষণা কৰে। মৃত্যুৰ প্ৰকৃত কাৰণ সন্দৰ্ভত চিকিৎসকৰ মাজত তীব্ৰ চাঞ্চল্যৰ সৃষ্টি হৈছে। কিন্তু মৰণোত্তৰ পৰীক্ষাৰ প্ৰতিবেদন অনুসৰি চিকিৎসকে অনুমান কৰিছে যে ‘মায়োকাৰ্ডিয়াল ইনফাৰ্কচন’ৰ বাবেই কে কেৰ মৃত্যু হৈছে। যাক সাধাৰণতে হাৰ্ট এটেক বুলি জনা যায়।
সমগ্ৰ বিশ্বতে হৃদৰোগ ৰোগীৰ সংখ্যা বৃদ্ধি পাইছে। কেৱল হৃদৰোগত আক্ৰান্ত হৈ প্ৰতি বছৰে প্ৰায় ৭৫ শতাংশ লোকৰ মৃত্যু হয়। অস্বাস্থ্যকৰ জীৱনশৈলী, অনিয়মীয়া খাদ্যাভ্যাস, মানসিক উদ্বেগ আদিৰ বাবে হৃদযন্ত্ৰৰ সমস্যাৰ সৃষ্টি হয়।
লগতে পঢ়ক প্ৰশান্ত মহাসাগৰৰ পাৰত মহিলাই জন্ম দিলে সন্তান! কেনেকৈ জন্ম দিছিল চাওক ভিডিঅ’
কিন্তু কে কে অতি অনুশাসিত জীৱন যাপন কৰা বুলি জনা যায়। নিয়মীয়া ব্যায়ামৰ উপৰিও খোৱা বোৱাই নিয়মো মানি চলিছিল। ইয়াৰ পিছতো চিকিৎসকৰ মতে হাৰ্ট এটেকৰ ফলত হঠাৎ মৃত্যু হোৱাটোৱেই অনুৰাগীসহ চিকিৎসককো আচম্বিত কৰি তুলিছে।
মায়োকাৰ্ডিয়াল ইনফাৰ্কচন কি?
চেণ্টাৰ ফৰ ডিজিজ কণ্ট্ৰ’ল এণ্ড প্ৰিভেনচনৰ মতে, হৃদযন্ত্ৰৰ পেশীৰ এটা অংশই প্ৰায়ে পৰ্যাপ্ত তেজ নাপায়। কিন্তু তেজৰ সোঁত ঘূৰি অহাৰ লগে লগে হৃদযন্ত্ৰৰ মাংসপেশীৰ ক্ষতি হ’বলৈ ধৰে। এই অৱস্থাক মায়োকাৰ্ডিয়াল ইনফাৰ্কচন বোলা হয়।
ইয়াৰ লক্ষণসমূহ কি কি ?
১. উশাহ লোৱাত অসুবিধা পোৱা।
২. অত্যন্ত ভাগৰুৱা অনুভৱ কৰা।
৩. বুকুৰ বিষ।
৪. পেটৰ তলৰ অংশ আৰু ডিঙিত বিষ হয়।
৫. চকুৰে অন্ধকাৰ দেখা।
লগতে পঢ়ক বয়সৰ চাপ ৰোধ আৰু সৌন্দৰ্য বৃদ্ধিৰ বাবে মল-মূত্ৰ খাবলৈ সাজু কোন এই তাৰকা?
এই ৰোগৰ কাৰণ কি?
উচ্চ ৰক্তচাপ, ক’লেষ্টেৰল, ধূমপান আৰু মেদবহুলতা আদি কিছুমান কাৰকে মায়োকাৰ্ডিয়াল ইনফাৰ্কচন বা হাৰ্ট এটেকৰ সম্ভাৱনা বৃদ্ধি কৰে। তদুপৰি যিকোনো দীৰ্ঘম্যাদী মানসিক চাপৰ বাবেও হাৰ্ট এটেক হ’ব পাৰে।
কে কেৰ উচ্চ ৰক্তচাপ, ক’লেষ্টেৰল আদিৰ দৰে সমস্যা আছিল নে নাই সেয়া এতিয়াও জানিব পৰা হোৱা নাই। সকলো শিল্পীয়ে অনুষ্ঠান পৰিৱেশন কৰাৰ পূৰ্বে আৰু কৰি থকা সময়ত দৰ্শক-শ্ৰোতাৰ আশা পূৰণক লৈ একধৰণৰ মানসিক চাপত থাকে। কে কেৰ ক্ষেত্ৰতো নিশ্চিতভাৱে ইয়াৰ ব্যতিক্ৰম হোৱা নাছিল৷ প্ৰকাশ পোৱা মতে মনটো সুস্থিৰ কৰি ৰাখিবলৈ তেওঁ মাজে মাজে ধূমপান কৰিছিল।
মৰণোত্তৰ পৰীক্ষাৰ ৰিপ’ৰ্ট অহাৰ লগে লগে চিকিৎসকৰ কপালত চকু উঠা পৰিলক্ষিত হৈছে৷ কে কেৰ হৃদযন্ত্ৰৰ চাৰিওকাষে এটা ডাঠ চৰ্বিৰ তৰপ পোৱা গৈছে। আৰু ই সম্পূৰ্ণ বগা অৰ্থা ঢেলা পৰাৰ দৰে হৈ গৈছে। হৃদযন্ত্ৰৰ ভাঁজবোৰ খুলিলে দেখা যায় যে ভালভবোৰ অস্বাভাৱিকভাৱে কঠিন হৈ পৰিছে। আৰক্ষীৰ সূত্ৰই জনোৱা মতে, বৃহস্পতিবাৰে এই খবৰ পোহৰলৈ আহে।
লগতে পঢ়ক যৌন সম্পৰ্কৰ সময়ত হয় নেকি তীব্ৰ বিষ? এণ্ডোমেট্ৰিয়াছিছৰ লক্ষণ নহয়তো!
কেৱল সেয়াই নহয়, কেকৰ শৰীৰত পোৱা ১০ টা ভিন্ন পাচন ঔষধ আৰু ভিটামিন চি পোৱা গৈছে। ইয়াৰ উপৰিও কে কে নিয়মিতভাৱে পাচনতন্ত্ৰৰ সমস্যাৰ বাবে এন্টাচিড আৰু গেষ্ট্ৰিকৰ ঔষধ খাইছিল বুলিও জানিব পৰা গৈছে। সেই নমুনাও তেওঁৰ তেজত পোৱা গৈছে। কেৱল এলোপেথী নহয়, আয়ুৰ্বেদিক আৰু হোমিঅ’পেথিক ঔষধৰ নমুনাও প্ৰয়াত কণ্ঠশিল্পীগৰাকীৰ পেটত পোৱা গৈছে।
চিকিৎসকে কয় যে সময়ৰ লগে লগে হৃদযন্ত্ৰ কঠিন হোৱা দেখা যায়। কিন্তু কে কেৰ হাৰ্টৰ ৰূপটো সাধাৰণ নহয়। কোৱা হৈছে যে সেয়া জানিবলৈ হ’লে ধমনীৰ পথ ক’ত বন্ধ হৈ গৈছিল সেয়া স্পষ্ট হ’ব লগিব।
আৰক্ষীৰ সূত্ৰ অনুসৰি ৩১ মে’ৰ পুৱা কে কেয়ে তেওঁৰ মেনেজাৰক জনাইছিল যে তেওঁৰ মনটো ভাল লাগি থকা নাই। সেই নিশা মৃত্যুৰ কেইঘণ্টামান আগতে তেওঁ পত্নীক কৈছিল, ‘‘কান্ধ আৰু হাত ধপধপাই আছে।’’ ইয়াৰ পিছতে তেওঁ অনুষ্ঠানৰ শেষত অসুস্থ হৈ পৰে। হোটেললৈ উভতি আহি গায়কজনে চোফাত বহি থাকোতে মজিয়াত ঢলি পৰিল। চিকিৎসালয়লৈ নিয়াৰ সময়ত চিকিৎসকে তেওঁক মৃত বুলি ঘোষণা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
