চুলিত ৰং কৰি কৰি ভাগৰি পৰিছে, ব্যৱহাৰ কৰক চমৎকাৰী আদা
আজিকালি পকা চুলি এটা সাধাৰণ সমস্যা হৈ পৰিছে। চুলি পকাটো কেৱল বৃদ্ধ লোকৰ মাজতে নহয়, শিশু আৰু যুৱক-যুৱতীসকলৰ মাজতো ডাঙৰ চিন্তাৰ বিষয়। কম বয়সতে চুলি পকাটো অতি হতাশাজনক। বহুতে চুলিৰ বাবে দামী সামগ্ৰী আৰু বগা চুলি ক’লা কৰাৰ বাবে প্ৰাকৃতিক উপায়ৰ আশ্ৰয় লয়।
কিন্তু পাকঘৰতে পোৱা এবিধ এনে সামগ্ৰী আছে যাৰ ব্যৱহাৰেৰে অতি সহজে ঘৰতে পকা চুলিৰ সমস্যাৰ পৰা ৰেহাই পাব পাৰে। বগা চুলি ক’লা কৰিবলৈ আদাৰ ব্যৱহাৰ কৰিব পাৰে।
আয়ুৰ্বেদত আদা যুগ যুগ ধৰি ব্যৱহাৰ হৈ আহিছে। ই কেৱল আপোনাৰ স্বাস্থ্যৰ বাবেই উপকাৰী নহয়, চুলিৰ বাবেও ই অতি উপকাৰী। আদাত থকা এন্টিঅক্সিডেন্ট আৰু এন্টি-ইনফ্লেমেটৰী গুণে আপোনাৰ চুলি ক’লা কৰাত সহায় কৰিব পাৰে।
ক’লা চুলিৰ বাবে আদাৰ পেক কিদৰে প্ৰস্তুত কৰিব-
সামগ্ৰী:
– আদা ডাঙৰ টুকুৰা এটা
– ২ চামুচ নাৰিকল তেল
– ১ চামুচ মৌ
বগা চুলি প্ৰাকৃতিকভাৱে ক’লা কৰাৰ পদ্ধতি
১) প্ৰথমে আদাৰ বাকলি গুচাই সৰু সৰুকৈ কাটি লওক।
২) এতিয়া আদাৰ টুকুৰাবোৰ মিক্সাৰত দি পেষ্ট বনাওক।
৩) এই পেষ্টটো এটা পাত্ৰত উলিয়াই তাত নাৰিকল তেল আৰু মৌ দিব।
৪) এই সকলোবোৰ উপাদান ভালদৰে মিহলাই মসৃণ পেষ্ট বনাওক।
৫) এই পেষ্টটো চুলিৰ গুৰিৰ পৰা আগলৈকে ভালদৰে লগাব লাগে।
৬) এইদৰে পেষ্ট লগাই ৩০-৪০ মিনিট ৰাখিব।
৭) পিছত কুহুমীয়া পানী আৰু চেম্পুৰে ধুব।
আদা চুলিৰ পেকৰ উপকাৰিতাৰ আদা চুলিৰ পেকৰ উপকাৰিতাৰ
১) এই আদাৰ চুলিৰ পেকে চুলিক গভীৰভাৱে পুষ্টি প্ৰদান কৰে আৰু চুলি ক’লা কৰাত সহায় কৰে।
২) নাৰিকল তেলে চুলি কোমল কৰে আৰু মৌৱে চুলিৰ উজ্জলতা বৃদ্ধি কৰে।
৩) আদাৰ পেক সপ্তাহত দুবাৰকৈ ব্যৱহাৰ কৰিলে চুলি পকা সমস্যা ক্ৰমান্বয়ে কমি যায় আৰু চুলি মজবুত আৰু সুস্থ হৈ উঠে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
