আদিত্য ৰয় কাপুৰৰ পাছত নতুন প্ৰেমত অভিনেত্ৰী অনন্যা পাণ্ডে, পাছে কোন হয় এই নতুন প্ৰেমিক
অনন্যা পাণ্ডে কেৱল নিজৰ কামৰ বাবেই নহয় ব্যক্তিগত জীৱনৰ বাবেও বাতৰিৰ শিৰোনাম দখল কৰি আছে। কিছুদিনৰ পৰা খবৰ আহিছিল যে অভিনেত্ৰীগৰাকীয়ে প্ৰেমিক আদিত্য ৰায় কাপুৰৰ সৈতে ব্ৰেকআপ কৰিছে। এতিয়া শুনা গৈছে যে অভিনেত্ৰী গৰাকীৰ জীৱনত এক নতুন প্ৰেমে প্ৰৱেশ কৰিছে।
বৰ্তমান অনন্যাই শেহতীয়াকৈ প্ৰকাশিত ৱেব ছিৰিজ ‘কল মি বে’ৰ শিৰোনাম দখল কৰিছে। আনহাতে ছ’চিয়েল মিডিয়াত বিশেষ ব্যক্তিৰ এক বিশেষ পোষ্ট। যিয়ে পুনৰবাৰ অভিনেত্ৰীগৰাকীৰ প্ৰেমৰ সম্পৰ্কত ইন্ধন যোগাইছে।
আচলতে কালি ৬ ছেপ্টেম্বৰ তাৰিখে মুক্তি পালে অনন্যা পাণ্ডেৰ ৱেব চিৰিজ ‘কল মি বে’। মুক্তি পোৱাৰ পাছতে সেই ৱেব ছিৰিজৰ ফটো শ্বেয়াৰ কৰি সেই বিশেষ ব্যক্তিয়ে ছ’চিয়েল মিডিয়াত এটা পোষ্ট শ্বেয়াৰ কৰিছে। এই পোষ্টটোৰ পিছতে দুয়োৰে প্ৰেমৰ খবৰ দ্ৰুতগতিত বিয়পিবলৈ ধৰিছে।
অনন্যা পাণ্ডেৰ উৰাবাতৰি বিয়পি পৰা প্ৰেমিকৰ নাম ৱাকাৰ ব্লাংকো। ৱাকাৰে নিজৰ ইনষ্টাগ্ৰাম ষ্ট’ৰীত অনন্যাৰ ৱেব ছিৰিজ ‘কল মি বে’ৰ পোষ্টাৰ শ্বেয়াৰ কৰি লিখিছিল, হে বে। এই পোষ্টটো এতিয়া শিৰোনামত।
লগতে অভিনেত্ৰীগৰাকীৰ অনুৰাগীসকলে ৱাকাৰ ব্লাংকো কোন সেই কথা জানিবলৈ হতাশ হৈ পৰিছে। কোন এই বিশেষ ৱাকাৰ, যাৰ প্ৰেমত অনন্যা। ৱাকাৰ এজন মডেল। যিয়ে বহু ভাৰতীয় প্ৰকল্পতো কাম কৰিছে।
ৱাকাৰৰ ইনষ্টাগ্ৰামত ১৯.৩ হাজাৰ ফ’ল’ৱাৰ আছে। য’ত তেওঁৰ ফটো আৰু ভিডিঅ’ৰ উপৰিও বন্যপ্ৰাণীৰ ফটোও শ্বেয়াৰ কৰা দেখা গৈছে।
এক মনোৰঞ্জন সংবাদ মাধ্যমত প্ৰকাশিত এক বাতৰি অনুসৰি অনন্যা পাণ্ডে আৰু ৱাকাৰৰ এখন হাই প্ৰফাইল বিয়াত লগ হৈছিল। য’ত অভিনেত্ৰীগৰাকীয়ে ৱাকাৰক নিজৰ সংগী বুলি সকলোৰে লগত চিনাকি কৰাই দিছিল। তেতিয়াৰে পৰাই ৱাকাৰ আৰু অনন্যাৰ মাজত প্ৰেমৰ কথা বিয়পি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
