আৰ জি কৰ কাণ্ডত গ্ৰেপ্তাৰ ছিভিক ভলণ্টিয়াৰৰ সৈতে সংযোগ থকাৰ কথা কৈ ASIক তলব CBIৰ৷ মঙলবাৰে দ্বিতীয়বাৰৰ বাবে তলব কৰিছিল ASIক৷ কিন্তু ছল্টলেকৰ ছিজিও কমপ্লেক্সত হাজিৰ হৈ সংবাদমাধ্যমক দেখি দৌৰি পলায় এএছআইয়ে৷ আৰক্ষী বিষয়া অনুপ দত্তক দৌৰী পলোৱাৰ দৃশ্য দেখি পত্নীয়ে মুখ খুলিছে৷ দৌৰী যাওঁতে লিফটৰ মাজত বাগৰি পৰিছিল আৰক্ষী বিষয়া অনুপ৷
এই দৃশ্য দেখি আচৰিত হৈ পৰিছিল সকলো৷ সকলোৱে এই ভিডিঅ’ক লৈ ৰসিকতা কৰি থকাৰ সময়তে তেওঁৰ পত্নীৰ মত, ‘সাধাৰণ মানুহটোক এনেকৈ কিয় অত্যাচাৰ কৰিছে৷ তেওঁ একো বেয়া কাম কৰা নাই৷ কেমেৰা সাংবাদিকে ঘেৰি ধৰাৰ বাবেহে ভয় খাইছে৷’
মঙলবাৰে আৰ জি কৰৰ প্ৰাক্তন অধ্যক্ষ সন্দীপ ঘোষক বিগত পাঁচ দিন ধৰি সোধপোছ কৰি আছে CBIয়ে৷ ধৃত ছিভিক ভলণ্টিয়াৰৰ সৈতে সংযোগ থকা বুলি ASI অনূপকো সোধপোছ চলাই আছে চিবিআইয়ে৷ এইদৰে স্বামীক সোধপোছৰ বাবে মাতি থকাক লৈ চিন্তিত এতিয়া আৰক্ষী পত্নী সন্ধ্যা দত্ত৷ স্বামীয়ে কোনো বেয়া কাম কৰা নাই বুলি দাবী কৰিছে তেওঁৰ পত্নীয়ে৷ সন্ধ্যাই এই সন্দৰ্ভত কয়, ‘তেওঁৰ শৰীৰ ভালে নাই৷ হাইপ্ৰেছাৰ, ছুগাৰৰ সমস্যা আছে৷ মঙলবাৰে নিশা কথা পাতোতে তেওঁক ঔষধ ল’বলৈ মনত পেলাই দিছিলো৷ তেওঁ এনে কোনো বেয়া কাম কৰিব নোৱাৰে৷ তেওঁ কেতিয়াও এনে কামত নিযুক্ত নহয় বুলি মই জানো৷ বিভাগীয় তদন্তৰ স্বাৰ্থতহে তেওঁক মাতি আছে৷ সংবাদ মাধ্যমৰ ভয়ত এনেকৈ দৌৰোতে যদি মানুহজনৰ কিবা হ’লে কি কৰিলোহেতেন? পেনিক এটেক যদি আহিলেহেতেন, তেন্তে মানুহজনক উভতাই দিব পাৰিলেহেতেননে?’
কলকাতা আৰক্ষীৰ চতুৰ্থ বেটেলিয়ানৰ ASI অনুপ কৰ্মসূত্ৰে কলকাতাত থাকে৷ ঘৰ বালুৰঘাটৰ এক অখ্যাত গাওঁত৷ বুধবাৰে পুৱাৰ পৰা তেওঁৰ ঘৰত প্ৰতিবেশীৰ ভিৰ৷ টিভিত অনুপক দৌৰা দেখি অবাক হৈ পৰিছে সকলো৷ তেওঁলোকৰ দাবী, ‘পৰোপকাৰী মানুহ অনুপ৷’ গাওঁৰ কোনো অসুস্থ হৈ কলকাতালৈ গ’লে তেওঁ আৰ জি কৰ হাস্পতালত ভৰ্তী কৰাই দিয়াত বহুতকে সহায় কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
