অপৰাধীৰ পৰা সাধাৰণ জনতাক ৰক্ষণাবেক্ষণ দিয়াৰ বাবে নহয়, বান্দৰৰ পৰা জনতাক ৰক্ষা কৰিবলৈ এখন দেশৰ আৰক্ষীয়ে নিজকে ব্যস্ত ৰাখিবলগীয়া হৈছে৷ জাপানৰ আৰক্ষীয়ে বান্দৰৰ আতংকৰ পৰা জনতাক ৰক্ষা কৰিবলৈ নিজকে নিয়োজিত কৰিবলৈ বাধ্য হৈছে৷
বান্দৰৰ আতংকক লৈ জাপানৰ মানুহ অতিশয় চিন্তিত হৈ পৰিছে। এনে অৱস্থাত এতিয়া জাপানৰ আৰক্ষীয়ে ইয়াক নিয়ন্ত্ৰণ কৰিবলৈ অভিযান আৰম্ভ কৰিছে। বনৰীয়া বান্দৰৰ আক্ৰমণৰ পৰা সাধাৰণ জনতাক ৰক্ষা কৰিবলৈ আৰক্ষীয়ে বান্দৰৰ বিৰুদ্ধে ট্ৰেংকুলাইজাৰ গান ব্যৱহাৰ কৰিছে।
উল্লেখ্য যে যোৱা কেইসপ্তাহমানৰ ভিতৰত জাপানৰ ইয়ামাগুচি চহৰত শিশু আৰু বৃদ্ধসহ বান্দৰৰ আক্ৰমণত ৪২ জন লোক আহত হোৱাৰ খবৰ পোৱা গৈছে। এই আক্ৰমণৰ বাবে জাপানীজ মেকাকক জগৰীয়া কৰা হৈছে।
লগতে পঢ়ক কলেষ্টেৰলৰ সমস্যাত ভুগিছে নেকি? কি ফল খালে ইয়াক নিয়ন্ত্ৰণ কৰিব পাৰি?
বিবিচিৰ প্ৰতিবেদন অনুসৰি দেশৰ বৃহৎ অঞ্চলত এই বান্দৰ সন্ত্ৰাস সাধাৰণ ঘটনাত পৰিণত হৈ পৰিছে৷ বান্দৰবোৰ এইদৰে আক্রমণাত্মক হোৱাটো এক বিৰল ঘটনা বুলি উল্লেখ কৰিছে মহানগৰীখনৰ নাম প্ৰকাশত অনিচ্ছুক এজন বিষয়াই৷
প্ৰকাশিত বাতৰিৰ মতে প্ৰথম অৱস্থাত কেৱল শিশু আৰু মহিলাকহে বান্দৰে আক্ৰমণ কৰিছিল। কিন্তু শেহতীয়াকৈ পুৰুষৰ লগতে বৃদ্ধ লোককো বান্দৰে আক্ৰমণৰ লক্ষ্য কৰি লৈছে।
বান্দৰে সাধাৰণ নাগৰিকক আক্ৰমণ কৰাৰ পিছতে মহানগৰীখনত জুলাইৰ আৰম্ভণিতে আৰক্ষীয়ে জালেৰে এই বনৰীয়া বান্দৰবোৰ ধৰিবলৈ গৈ ব্যৰ্থ হৈছিল। ইয়াৰ পিছতে আৰক্ষীয়ে বান্দৰৰ বিৰুদ্ধে ট্ৰেংকুলাইজাৰ গান ব্যৱহাৰ কৰিবলৈ আৰম্ভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
